തൃശൂര്: നടന് ഷൈന് ടോം ചാക്കോ ശനിയാഴ്ച ഉച്ച കഴിഞ്ഞ് മൂന്ന് മണിക്ക് പൊലീസ് സ്റ്റേഷനില് ഹാജരാകുമെന്ന് പിതാവ്.ഇതൊക്കെ ഓലപാമ്പല്ലേ എന്നും അദ്ദേഹം പ്രതികരിച്ചു.
അവന് അവിടെ വന്നു, അവിടെ നിന്ന് പോയി, അത്രയല്ലേ ഉള്ളൂ. ഇങ്ങനെ കൊറേ ഓലപ്പാമ്പല്ലേ. അത് കഴിഞ്ഞ് കേസാകുമ്പോള് വക്കീലുമായി ബന്ധപ്പെടാം. കുറ്റം ചെയ്തെങ്കിലല്ലേ കേസാവുക. വേട്ടയാടലാണോ എന്നൊന്നും ഇപ്പോള് പറയാനാകില്ല- നടന്റെ പിതാവ് ചാക്കോ പറഞ്ഞു.
വൈകിട്ട് ആറ് മണിയോടെയാണ് ഷൈന് ടോം ചാക്കോയുടെ വീട്ടില് പൊലീസെത്തി എറണാകുളം ടൗണ് നോര്ത്ത് സ്റ്റേഷനില് ഹാജരാകാന് ആവശ്യപ്പെട്ട് നോട്ടീസ് നല്കിയത്.മകന് നാളെ ഉച്ചകഴിഞ്ഞ് മൂന്ന് മണിക്ക് സ്റ്റേഷനില് ഹാജരാകുമെന്നാണ് ഷൈന്റെ പിതാവ് നോട്ടീസ് കൈപ്പറ്റിയ ശേഷം മറുപടി നല്കിയതെന്ന് പൊലീസ് പിന്നീട് പ്രതികരിച്ചു.
