കോട്ടയം: ചലച്ചിത്ര നടി വിന്സി അലോഷ്യസിന്റെ വെളിപ്പെടുത്തലുകളുമായി ബന്ധപ്പെട്ട് ചാനല് സംഘടനയായ അമ്മയുടെ പ്രതിനിധിയായി ടെലഫോണില് വിളിച്ച് വരുത്തിയ ശേഷം നടി അന്സിബയോട് അപമര്യാദയായി പെരുമാറി റിപ്പോര്ട്ടര് ചാനല് അവതാരക സ്മൃതി പരുത്തിക്കാട്. സ്മൃതിയുടെ ധാര്ഷ്ട്യത്തെ തൃണവല്ക്കരിച്ച് പ്രതികരിക്കാന് തയ്യാറല്ലെന്ന് അറിയിച്ച് അമ്മയുടെ ഭാരവാഹിയായ അന്സിബ ഒടുവില് ഫോണ് കട്ടു ചെയ്തു.
താര സംഘടനയായ അമ്മയെ എഎംഎംഎ എന്ന് വിശേഷിപ്പിച്ചതാണ് അന്സിബയുടെ വിയോജിപ്പിനിടയാക്കിയത്. താന് അമ്മയുടെ പ്രതിനിധിയായിട്ടാണ് ചര്ച്ചയില് പങ്കെടുക്കുന്നതെന്നും അമ്മയെന്നുപറയാമെങ്കില് മാത്രമേ പ്രതികരിക്കൂ എന്നും അവര് സധൈര്യം വ്യക്തമാക്കി. അമ്മ എന്ന് വിളിക്കില്ലെന്നത് തങ്ങളുടെ ചാനലിന്റെ നിലപാടാണെന്നാണ് സ്മൃതി പറഞ്ഞത്. സഹജമായ ധിക്കാരത്തോടെ പ്രതികരിച്ച സ്മൃതിയോട് താങ്കള് കോടതിയൊന്നുമില്ലല്ലോ എന്ന് ഒരു ഘട്ടത്തില് അന്സിബയ്ക്ക് ചോദിക്കേണ്ടിയുംവന്നു. തുടര്ന്ന് ചര്ച്ചയില് നിന്ന് പിന്മാറുകയായിരുന്നു.
വിന്സി അലോഷ്യസ് തനിക്ക് ഉണ്ടായ ദുരനുഭവം സംബന്ധിച്ച് അമ്മയുടെ ഇന്റേണല് കമ്മിറ്റിക്ക് പരാതി നല്കിയതുമായി ബന്ധപ്പെട്ടായിരുന്നു ശ്രുതിയുടെ ചോദ്യം.
