തൃശൂര്: സ്കൂളില് സ്ഫോടക വസ്തു പൊട്ടിത്തെറിച്ചതിനെ തുടര്ന്ന് പൊലീസ് കേസെടുത്ത് അന്വേഷണം ആരംഭിച്ചു. പഴയന്നൂര് ഗവ. ഹയര്സെക്കണ്ടറി സ്കൂള് വരാന്തയില് വെച്ചാണ് പൊട്ടിത്തെറിച്ചത്.
തിങ്കളാഴ്ച ഉച്ചയ്ക്ക് ഒന്നരയോടുകൂടിയാണ് സംഭവം. സ്കൂള് വളപ്പില് നിന്നും ലഭിച്ച സെല്ലോടേപ്പ് കൊണ്ട് പൊതിഞ്ഞ പന്തുപോലത്തെ വസ്തു വിദ്യാര്ത്ഥികള് തട്ടിക്കളിക്കവെ പൊട്ടിത്തെറിക്കുകയായിരുന്നു.
പളസ് വണ് വിദ്യാര്ത്ഥിക്ക് കാലിന് ചെറിയ പരിക്കേറ്റു. കുട്ടിയെ ആശുപത്രിയില് പ്രവേശിപ്പിച്ച് പ്രാഥമിക ചികിത്സയ്ക്ക് ശേഷം വിട്ടയച്ചു. ബോംബ് സ്ക്വാഡെത്തി സ്കൂളില്പരിശോധന നടത്തി.
കാട്ടുപന്നിയെ പിടികൂടുന്നതിനായി വച്ച സ്ഫോടക വസ്തു തെരുവുനായ്ക്കളോ മറ്റോ കടിച്ചു കൊണ്ട് വന്ന് സ്കൂള് വളപ്പിലിട്ടതാകാമെന്നാണ് പ്രാഥമിക നിഗമനം.
