പത്തനംതിട്ട:ജില്ലയിലെ മൂന്ന് പഞ്ചായത്തുകളിലെ എല്ലാ വിദ്യാഭ്യാസ സ്ഥാപനങ്ങള്ക്കും ബുധനാഴ്ച ഉച്ചയ്ക്കുശേഷം അവധി പ്രഖ്യാപിച്ചു. കോഴഞ്ചേരി, ചെറുകോല്, അയിരൂര് ഗ്രാമപഞ്ചായത്തുകളിലെ എല്ലാ വിദ്യാഭ്യാസ സ്ഥാപനങ്ങള്ക്കുമാണ് അവധി നല്കിയത്.
ചെറുകോല്പ്പുഴ ഹിന്ദുമത കണ്വെന്ഷന് നടക്കുന്നതിനാല് ഗതാഗത നിയന്ത്രണം ഏര്പ്പെടുത്തുന്നതിനും ക്രമീകരണങ്ങള്ക്കായുമാണ് അവധി നല്കിയത്. ജില്ലാ കലക്ടര് എസ്. പ്രേംകൃഷ്ണന് ആണ് പ്രാദേശിക അവധി പ്രഖ്യാപിച്ചത്.
അതേസമയം, മുന്കൂട്ടി നിശ്ചയിച്ച പരീക്ഷകള്ക്ക് അവധി ബാധകമല്ല. അവധി നല്കിയ മൂന്ന് പഞ്ചായത്തുകളിലെയും എല്ലാ വിദ്യാഭ്യാസ സ്ഥാപനങ്ങളും ബുധനാഴ്ച ഉച്ചവരെ മാത്രമെ പ്രവര്ത്തിക്കേണ്ടതുള്ളുവെന്ന് അധികൃതര് അറിയിച്ചു.
