തൃശൂര്‍:കലിക്കട്ട് സര്‍വകലാശാല ഡി സോണ്‍ കലോത്സവത്തിനിടെ ഉണ്ടായ സംഘര്‍ഷങ്ങളെ തുടര്‍ന്ന് തൃശൂരിലെ വിവിധ കോളേജുകളിലും സംഘര്‍ഷം.എസ്എഫ്‌ഐ -കെഎസ്യു പ്രവര്‍ത്തകര്‍ തമ്മിലാണ് സംഘര്‍ഷമുണ്ടായത്.
ഇരിങ്ങാലക്കുട ക്രൈസ്റ്റ് കോളേജിലും എംടിഐ പോളിടെക്‌നിക് കോളേജിലും എസ്എഫ്‌ഐയുടെ പ്രതിഷേധ പ്രകടനത്തിന് പിന്നാലെ വിദ്യാര്‍ഥികള്‍ ഏറ്റുമുട്ടി.ക്രൈസ്റ്റ് കോളേജിലെ കെഎസ്യു യൂണിറ്റ് സെക്രട്ടറി ആരോണിനും എംടിഐ പോളിടെക്‌നിക്കിലെ മൂന്നാം വര്‍ഷ വിദ്യാര്‍ഥി അശ്വിനും പരിക്കേറ്റു.
അലോഷ്യസ് കോളേജ്,നാട്ടിക എസ്എന്‍ കോളജ് എന്നിവിടങ്ങളില്‍ കെഎസ്‌യുവിന്റെ കൊടിമരങ്ങള്‍ എസ് എഫ് ഐ പ്രവര്‍ത്തകര്‍ തകര്‍ത്തു.കഴിഞ്ഞ ദിവസം നടന്ന അക്രമങ്ങളില്‍ ഇരു വിഭാഗത്തിലും പെട്ട നിരവധി വിദ്യാര്‍ത്ഥികള്‍ക്ക് പരിക്കേറ്റിരുന്നു.
