കൊച്ചി:ലൈംഗിക അതിക്രമ കേസുകളില്‍ അതിജീവിതയുടെ പേര് വെളിപ്പെടുത്തരുതെന്ന് ഹൈക്കോടതി പരാമര്‍ശം. പരാതിക്കാരി അനുമതി നല്‍കിയാലും പേര് വെളിപ്പെടുത്തരുത്.
നടിയും ബോബി ചെമ്മണ്ണൂരും തമ്മിലുളള കേസില്‍ നടത്തിയ പരാമര്‍ശത്തെ തുടര്‍ന്ന് നടി
രാഹുല്‍ ഈശ്വറിനെതിരെയും പരാതി നല്‍കിയിരുന്നു. ഈ സാഹചര്യത്തിലാണ് രാഹുല്‍ ഈശ്വര്‍ മുന്‍കൂര്‍ ജാമ്യാപേക്ഷയുമായി ഹൈക്കോടതിയിലെത്തിയത്.
രാഹുല്‍ ഈശ്വറിന്റെ ജാമ്യാപേക്ഷ പരിഗണിക്കുമ്പോഴാണ് അതിജീവിതയുടെ പേര് വെളിപ്പെടുത്തരുതെന്ന് കോടതി പറഞ്ഞത്.
മുന്‍കൂര്‍ ജാമ്യ അപേക്ഷയില്‍ പരാതിക്കാരിയുടെ പേര് ഉള്‍പ്പെടുത്തിയത് സംബന്ധിച്ചായിരുന്നു പരാമര്‍ശം.രാഹുല്‍ ഈശ്വറിനെതിരെ കേസെടുത്തിട്ടില്ലെന്ന് പൊലീസ് അറിയിച്ചു. ഇതേ തുടര്‍ന്ന് ഹര്‍ജി തീര്‍പ്പാക്കി.
