കൊല്ലം: ചിതറ മാങ്കോട് ഉണ്ടായ സംഘര്ഷത്തില് മൂന്ന് പേര്ക്ക് വെട്ടേറ്റു. മാങ്കോട് സ്വദേശി ദീപു, കിഴക്കും ഭാഗം സ്വദേശി ഷഫീക്ക്, വാള ബിജു എന്നിവര്ക്കാണ് വെട്ടേറ്റത്. ലോറിയില് തടി കയറ്റുന്ന തൊഴിലാളികളുമായുള്ള വാക്കുതര്ക്കം സംഘര്ഷത്തില് കലാശിക്കുകയും വെട്ടിപ്പരിക്കേല്പ്പിക്കുകയുമായിരുന്നു. വെട്ടേറ്റവരുടെ നില ഗുരുതരമാണ്. ഇവരെ തിരുവനന്തപുരം മെഡിക്കല് കോളേജ് ആശുപത്രിയിലേക്ക് മാറ്റി. സംഭവത്തിനു പിന്നില് മുന് വൈരാഗ്യമുണ്ടോയെന്ന് പൊലീസ് അന്വേഷിക്കുന്നു. ബിജു കാപ്പ കേസില് ശിക്ഷ കഴിഞ്ഞ് ഇറങ്ങിയ ആളാണ്. ഷെഫീഖും നിരവധി കേസുകളില് പ്രതിയാണ്. ചിതറ പൊലീസ് സ്ഥലത്തെത്തിയാണ് സംഘര്ഷം ലഘൂകരിച്ചത്.
