കൊച്ചി : ഒഡീഷ എഫ്‌സിക്കെതിരെ മിന്നും ജയം നേടി കേരള ബ്ലാസ്‌റ്റേഴ്‌സ്.(സ്‌കോര്‍ 3-2 ). ഹോം മാച്ചില്‍ ആദ്യ പകുതിയില്‍ 1-0ന് പിന്നിലായിരുന്നു കേരള ബ്ലാസ്‌റ്റേഴ്‌സ്. ബ്ലാസ്‌റ്റേഴ്‌സിനായി ക്വാമി പെപ്ര (60-ാം മിനിറ്റ്), ഹെസൂസ് ഹിമെനെ (72-ാം മിനിറ്റ്), നോഹ സദൂയി (90+4) എന്നിവരാണ് ഗോള്‍ നേടിയത്.
ഒഡീഷ എഫ്‌സിക്ക് വേണ്ടി ജെറി മാവിമിങ്താംഗ (4-ാം മിനിറ്റ്), ഡോറിയെല്‍ട്ടന്‍ (80-ാം മിനിറ്റ്) എന്നിവര്‍ സ്‌കോര്‍ ചെയ്തു. വിജയത്തോടെ 16 കളികളില്‍നിന്ന് 20 പോയിന്റുമായി കേരള ബ്ലാസ്‌റ്റേഴ്‌സ് എട്ടാം സ്ഥാനത്തായി. സീസണിലെ അഞ്ചാം തോല്‍വി നേരിട്ട ഒഡീഷ 21 പോയിന്റുമായി ഏഴാം സ്ഥാനത്താണ്.
ബ്ലാസ്‌റ്റേഴ്‌സിന്റെ ക്ലിയറിംഗ് പിഴവ് മൂലം ഡോറിയുടെ ഗോളില്‍ ഒഡീഷ സമനില പിടിച്ചു. 83 ാം മിനുട്ടില്‍ ഒഡീഷയുടെ ഡെല്‍ഗാഡോ ചുവപ്പ് കാര്‍ഡ് കണ്ട് പുറത്തായതോടെ ബ്ലാസ്‌റ്റേഴ്‌സിന് മേല്‍ക്കൈ വന്നു.കളി സമനിലയില്‍ അവസാനിച്ചെന്ന് ഏകദേശം വിധി എഴുതുമ്പോഴേക്കും ഇഞ്ചുറി ടൈമില്‍ നോഹ സാധോയിയുടെ തകര്‍പ്പന്‍ ഗോളിലൂടെ ബ്ലാസ്‌റ്റേഴ്‌സിന് വിജയം കൈവരുകയായിരുന്നു.
