തിരുവനന്തപുരം : മുസ്ലിം ദേവാലയങ്ങളില് സ്ത്രീകളെ പ്രവേശിപ്പിക്കണമെന്ന് പറയാന് മുഖ്യമന്ത്രിക്ക് ധൈര്യമുണ്ടോയെന്ന് ബിജെപി സംസ്ഥാന അധ്യക്ഷന് കെ സുരേന്ദ്രന്.അവിടെ ഒരു ചോദ്യമുന്നയിക്കാന് പോലും ഉള്ള ആര്ജ്ജവം പിണറായി വിജയന് ഇല്ല. സനാതന ധര്മ്മം അശ്ലീലമാണെന്ന സി പി എം സംസ്ഥാന സെക്രട്ടറി എം വി ഗോവിന്ദന്റെ പ്രസ്താവനയില് കേസെടുക്കണമെന്നും അദ്ദേഹം ആവശ്യപ്പെട്ടു. ഭൂരിപക്ഷ സമുദായത്തെ എങ്ങനെ ഭിന്നിപ്പിക്കാമെന്ന ആലോചനയാണ് ഇപ്പോള് നടക്കുന്നതെന്നും സുരേന്ദ്രന് പറഞ്ഞു.
ശിവഗിരിയില് മുഖ്യമന്ത്രി നടത്തിയ പ്രസ്താവനയുടെ തുടര്ച്ചയാണ് എംവി ഗോവിന്ദന്റെ പ്രസ്താവന. വിലകുറഞ്ഞ ജല്പനമാണ് നടത്തിയതെന്നും തിരുത്തപ്പെടേണ്ടതും എതിര്ക്കപ്പെടേണ്ടതുമാണിതെന്നും കെ സുരേന്ദ്രന് പറഞ്ഞു.
ക്ഷേത്രങ്ങളില് ഷര്ട്ട് ഇടണോ വേണ്ടയോ എന്നതാണ് കേരളം നേരിടുന്ന ഏറ്റവും വലിയ പ്രശ്നമെന്ന് സുരേന്ദ്രന് പരിഹസിച്ചു. മുഖ്യമന്ത്രി ഇടപെട്ട് പരിഹരിക്കേണ്ട പ്രശ്നമാണല്ലോ അത്. ക്ഷേത്രങ്ങളുടെ കാര്യത്തില് ഇടപെടാന് സര്ക്കാരിന് അവകാശമില്ല.
