തൃശൂര്:ഭാര്യയെ ക്രൂരമായി വെട്ടിക്കൊലപ്പെടുത്തിയശേഷം ഒളിവിലായിരുന്ന ഭര്ത്താവ് 14 വര്ഷത്തിനുശേഷം പിടിയിലായി. ആലപ്പുഴ സ്വദേശി ബാബു (74) ആണ് പൊലീസ് കസ്റ്റഡിയിലായത്. ഭാര്യ ദേവകി (35) യെ ബാബു വെട്ടി കൊലപ്പെടുത്തിയത് 2001 ഒക്ടോബറിലായിരുന്നു.
കൊലപാതകത്തിന് ശേഷം ദേവകിയുടെ ശരീരത്തില് ഉണ്ടായിരുന്ന ആറ് പവനോളം വരുന്ന സ്വര്ണാഭരണങ്ങളും എടുത്ത് ഒളിവില് പോവുകയായിരുന്നു ബാബു. എട്ടു വര്ഷം ഒളിവില് കഴിഞ്ഞ പ്രതിയെ മാരാരിക്കുളം പൊലീസ് 2008 ല് പിടികൂടി. എന്നാല് രണ്ട് വര്ഷത്തെ ജയില് വാസത്തിന് ശേഷം പുറത്തിറങ്ങിയ പ്രതി വീണ്ടും ഒളിവില് പോയി.
മധുര,കോട്ടയം എന്നിവിടങ്ങളില് വിവിധ പേരുകളില് കഴിഞ്ഞ പ്രതി ഇന്ഷുറന്സ് തുക കൃത്യമായി കൈപ്പറ്റി വരുന്നതായി പൊലിസീന് ലഭിച്ച രഹസ്യ വിവരത്തെ തുടര്ന്ന് നടത്തിയ അന്വേഷണത്തിലാണ് പിടിയിലായത്. അപകടത്തില് കൈ വിരല് മുറിഞ്ഞതിന് കേന്ദ്രസര്ക്കാരിന്റെ ഇന്ഷുറന്സ് തുക ഇയാള്ക്ക് സ്ഥിരമായി ലഭിച്ചിരുന്നു. ഇത് പുതുക്കാന് എത്തിയപ്പോഴാണ് പ്രതി പൊലീസ് പിടിയിലായത്.
1990ല് ആലപ്പുഴയില് നിന്ന് കൊരട്ടിയില് ധാന്യത്തിനെത്തിയ ബാബു ചായക്കടയില് വച്ചാണ് ദേവകിയെ പരിചയപ്പെടുന്നതും വിവാഹം കഴിക്കുന്നതും.ചായക്കടക്കട ഉടമയുടെ സഹോദരിയായിരുന്നു ദേവകി.
ആദ്യ വിവാഹം മറച്ചുവച്ചാണ് ബാബു ദേവകിയെ വിവാഹം കഴിച്ചത്. ദേവകിയുടെ പേരിലുള്ള ആറ് സെന്റ് സ്ഥലവും മറ്റും കൈവശപ്പെടുത്തുവാന് കൂടിയാണ് നിര്മ്മാണ തൊഴിലാളി കൂടിയായിരുന്ന ദേവകിയെ കൊലപ്പെടുത്തിയതെന്നാണ് മൊഴി.
