ആലപ്പുഴ: നിയന്ത്രണം വിട്ട ബുള്ളറ്റ് വൈദ്യുതി തൂണില് ഇടിച്ച് യുവാവ് മരിച്ചു.തീരദേശ റോഡില് കാട്ടൂര് പമ്പിന് സമീപമാണ് അപകടം. മാരാരിക്കുളം തെക്ക് പഞ്ചായത്ത് കാട്ടൂര് ആറാട്ടുകുളങ്ങര ജോസഫിന്റെ മകന് അലോഷ്യസ് (ഷൈബിന്27) ആണ് മരിച്ചത്.
ഒപ്പമുണ്ടായിരുന്ന സുഹൃത്ത് ജിത്തു ഗുരുതരാവസ്ഥയില് ആശുപത്രിയിലാണ്. ബുള്ളറ്റിന്റെ പിന്നില് ഇരുന്ന് സഞ്ചരിക്കുകയായിരുന്നു ജിത്തു.
ക്രിസ്തുമസ് ദിവസം രാത്രിയായിരുന്നു അപകടം. ഓമനപ്പുഴയിലെ സുഹൃത്തിന്റെ വീട്ടിലേക്ക് പോകവെയാണ് അപകടമുണ്ടായത്. അലോഷ്യസ് അപകട സ്ഥലത്ത് വച്ച് തന്നെ മരിച്ചു. ജിത്തുവിനെ ആദ്യം ആലപ്പുഴ മെഡിക്കല് കോളേജിലും പിന്നീട് എറണാകുളത്തെ സ്വകാര്യ ആശുപത്രിയിലും പ്രവേശിപ്പിച്ചു. ഇലക്ട്രീഷ്യനാണ് അലോഷ്യസ്.
