തിരുവനന്തപുരം: ആര്ദ്രം ആരോഗ്യം രണ്ടാം ഘട്ട സര്വേ പ്രകാരം കേരളത്തില് 14 ശതമാനത്തോളം ആളുകള്ക്ക് നിലവില് പ്രമേഹം ഉള്ളതായി കണ്ടെത്തിയെന്ന് ആരോഗ്യ വകുപ്പ് മന്ത്രി വീണാ ജോര്ജ് . കൂടാതെ പ്രമേഹ രോഗ സാധ്യതയുള്ളവരുടെ എണ്ണവും കൂടുതലാണ്. പ്രമേഹം ബാധിക്കുന്നവരുടെ എണ്ണത്തില് കുറവുണ്ടാക്കാന് ആരോഗ്യ വകുപ്പ് കര്മ്മ പദ്ധതി തയ്യാറാക്കുമെന്നും മന്ത്രി പറഞ്ഞു. ഹ്രസ്വകാലവും ദീര്ഘകാലവും അടിസ്ഥാനമാക്കിയാണ് കര്മ്മ പദ്ധതി തയ്യാറാക്കുന്നത്. പ്രമേഹ രോഗ ചികിത്സയില് റോഡ്മാപ്പ് തയ്യാറാക്കാന് അന്താരാഷ്ട്ര കോണ്ക്ലേവ് സംഘടിപ്പിക്കും. സംസ്ഥാന തലത്തില് പ്രീ കോണ്ക്ലേവ് സംഘടിപ്പിച്ച് അത്കൂടി ഉള്ക്കൊണ്ടാണ് അന്താരാഷ്ട്ര കോണ്ക്ലേവ് സംഘടിപ്പിക്കുക. അന്തര്ദേശീയ തലത്തില് പ്രമേഹ രോഗ ചികിത്സയില് വന്നിട്ടുള്ള നൂതന സംവിധാനങ്ങളും ചികിത്സാ വിധികളും ആരോഗ്യ വകുപ്പിലെ ഡോക്ടര്മാരെയും മറ്റ് ജീവനക്കാരെയും പരിചയപ്പെടുത്തുക എന്ന ഉദ്ദേശത്തോടു കൂടി ജനപങ്കാളിത്തത്തോടെയാണ് കോണ്ക്ലേവ് നടത്തുക. കോണ്ക്ലേവിന് ശേഷം തയ്യാറാക്കുന്ന പ്രമേഹരോഗ ചികിത്സയുടെ റോഡ്മാപ്പിന് അനുസൃതമായിട്ടായിരിക്കും ആരോഗ്യ വകുപ്പിലെ ചികിത്സ ശാക്തീകരിക്കുന്നതിന് നടപടികള് സ്വീകരിക്കുന്നത്. ആരോഗ്യ വകുപ്പിലെ ഉന്നത ഉദ്യോഗസ്ഥരുടെ യോഗത്തില് സംസാരിക്കുകയായിരുന്നു മന്ത്രി.
കേരളത്തില് 14 ശതമാനം ആളുകള്ക്ക് പ്രമേഹം, രോഗ ചികിത്സയില് റോഡ് മാപ്പ് തയ്യാറാക്കാന് അന്താരാഷ്ട്ര കോണ്ക്ലേവ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.