തിരുവനന്തപുരം: ദേശീയപാത 66ന്റെ 80 ശതമാനത്തില് കൂടുതല് നിര്മ്മാണ പുരോഗതി കൈവരിച്ച് കഴിഞ്ഞ തലപ്പാടി-ചെങ്കള, കോഴിക്കോട് ബൈപ്പാസ്, രാമനാട്ടുകര – വളാഞ്ചേരി, വളാഞ്ചേരി-കാപ്പിരിക്കാട് സ്ട്രച്ചുകള് മാര്ച്ച് 31ന് മുമ്പ് പൂര്ത്തീകരിക്കുമെന്ന് നാഷണല് ഹൈവേ അതോററ്റി ഓഫ് ഇന്ത്യ ഉദ്യോഗസ്ഥര് മുഖ്യമന്ത്രിയുടെ നേതൃത്വത്തില് നടന്ന ഉന്നതല യോഗത്തില് അറിയിച്ചു. ഓരോ മാസവും അഞ്ച് ശതമാനം പുരോഗതി ഉണ്ടയിട്ടില്ലെങ്കില് കരാറുകാരനെ ടെര്മ്മിനേറ്റ് ചെയ്യാനാണ് തീരുമാനമെന്ന് ഉദ്യോഗസ്ഥര് യോഗത്തെ അറിയിച്ചു. പെര്ഫോമെന്സ് കുറവുള്ള കരാറുകാര്ക്ക് നോട്ടീസ് നല്കും.
സംസ്ഥാന സര്ക്കാരിന്റെ ഭാഗത്തു നിന്ന് ദേശീയപാത നിര്മ്മാണത്തിന് ലഭിക്കേണ്ട വിവിധ അനുമതികള് സംബന്ധിച്ചും യോഗം ചര്ച്ചചെയ്തു. ഏഴോളം ജലശ്രോതസ്സുകളില് നിന്ന് മണ്ണ് എടുക്കാനുള്ള അനുമതി എന്എച്ച്എഐ ചോദിച്ചിട്ടുണ്ടെന്നും അഷ്ടമുടി വേമ്പനാട്ട് കായല് എന്നിവിടങ്ങളില് നിന്ന് അനുമതി നല്കി കഴിഞ്ഞതായും ബാക്കിയുള്ളവ പരിശോധിച്ച് വരുകയാണെന്നും മന്ത്രി റോഷി അഗസ്റ്റിന് വ്യക്തമാക്കി.
മൈനിംഗ് ആന്റ് ജിയോളജി വകുപ്പില് നിന്നും മണ്ണ് എടുക്കാനുള്ള അനുമതി ലഭിച്ചശേഷം ചില സ്ഥലങ്ങളില് ജനകീയ പ്രതിഷേധങ്ങളെ തുടര്ന്ന് അതിനാവുന്നില്ലെന്ന് കരാറുകാര് ചൂണ്ടിക്കാട്ടി. അത്തരം സാഹചര്യങ്ങളില് കെട്ടിവെച്ച തുക തിരികെ ലഭിക്കുന്നതിന് വേണ്ട നടപടി സ്വീകരിക്കണമെന്ന് കരാറുകാര് ആവശ്യപെട്ടു.
ദേശീയപാത 66: ഓരോ മാസവും അഞ്ച് ശതമാനം നിര്മ്മാണ പുരോഗതിയില്ലെങ്കില് കരാറുകാരനെ നീക്കും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.