കൊല്ലം: ഗുരുവായൂര് ക്ഷേത്രത്തില് ഏകാദശിക്ക് നടത്തി വരുന്ന ഉദയാസ്തമയ പൂജ മാറ്റാന് ദേവസ്വം ബോര്ഡ് നടത്തുന്ന നീക്കം ഉപേക്ഷിക്കണമെന്ന് ഭാരതീയ ജ്യോതിഷ വിചാര സംഘം. ആചാരങ്ങള് അനുഷ്ഠിക്കാനുള്ളതാണ്. ലംഘിക്കാനുള്ളതല്ല. തുളസിയില പാടില്ല, ആനയ്ക്ക് കുറിയിടരുത് തുടങ്ങിയ ദേവസ്വം ബോര്ഡ് നിര്ദേശങ്ങള്ക്ക് പിന്നില് മഹാക്ഷേത്രത്തെ വിവാദങ്ങളുടെ കേന്ദ്രമാക്കാനുള്ള ശ്രമമാണ്.
കോടിക്കണക്കിന് വരുന്ന ഗുരുവായൂരപ്പ ഭക്തരുടെ വിശ്വാസത്തെ തകര്ക്കാനുള്ള ശ്രമം ഇതിന് പിന്നിലുണ്ടോ എന്ന് സംശയിക്കേണ്ടിയിരിക്കുന്നതായി ജ്യോതിഷ വിചാര സംഘം സംസ്ഥാന പ്രസിഡന്റ് കുഴുപ്പള്ളി എന്. കെ. നമ്പൂതിരിയും ജനറല് സെക്രട്ടറി ശ്രീകുമാര് പെരിനാടും പറഞ്ഞു.
