ലക്നൗ : അയോദ്ധ്യ രാമക്ഷേത്രത്തിലെ പ്രാണ പ്രതിഷ്ഠയുടെ ഒന്നാം വാർഷികം 2025 ജനുവരി 11 ന് പൗഷ് ശുക്ല ദ്വാദശിയിൽ ആഘോഷിക്കാൻ തീരുമാനം. . ശ്രീരാമ ജന്മഭൂമി തീർഥ ക്ഷേത്ര ട്രസ്റ്റിന്റെ സുപ്രധാന യോഗത്തിന് ശേഷമാണ് പ്രഖ്യാപനം.
2024 ജനുവരി 22-നാണ് അയോദ്ധ്യയിൽ പ്രാണപ്രതിഷ്ഠ നടന്നത് . ഹിന്ദു കലണ്ടർ അനുസരിച്ച് ആഘോഷങ്ങൾ മുന്നോട്ട് കൊണ്ടുപോകാനാണ് ട്രസ്റ്റിന്റെ തീരുമാനം. പുരോഹിതന്മാരുമായി വിപുലമായ കൂടിയാലോചനകൾക്ക് ശേഷമാണ് ഈ തീരുമാനമെടുത്തതെന്ന് ട്രസ്റ്റിന്റെ ജനറൽ സെക്രട്ടറി ചമ്പത് റായ് പറഞ്ഞു.
“ഒന്നാം വാർഷികം 2025 ജനുവരി 11-ന് വരുന്ന പൗഷ് ശുക്ല ദ്വാദശിയിൽ പ്രതിഷ്ഠാ ദ്വാദശിയായി ആഘോഷിക്കും. ഈ ആചാരം നമ്മുടെ പുരാതന പാരമ്പര്യങ്ങളെ മാനിക്കുകയും ഭക്തരെ നമ്മുടെ സാംസ്കാരിക വേരുകളുമായി കൂടുതൽ ആഴത്തിൽ ബന്ധിപ്പിക്കുകയും ചെയ്യുന്നു,” ചമ്പത് റായ് പറഞ്ഞു.
