വയനാട്: തോല്പ്പെട്ടിയില് ആദിവാസി കുടുംബങ്ങളുടെ കുടിലുകള് പൊളിച്ച സംഭവത്തില് വനംവകുപ്പ് ഉദ്യോഗസ്ഥരെ സസ്പെന്ഡ് ചെയ്യുമെന്ന് മന്ത്രി എ കെ ശശീന്ദ്രന്.ഈ വിഷയത്തില് ചീഫ് വൈല്ഡ് ലൈഫ് വാര്ഡനില് നിന്ന് മന്ത്രി റിപ്പോര്ട്ട് ആവശ്യപ്പെട്ടു.
കുടിലുകള് പൊളിച്ചതിനെ തുടര്ന്ന് തോല്പ്പെട്ടി റേഞ്ച് ഓഫീസിന് മുന്നില് ഗോത്രവിഭാഗം പ്രതിഷേധവുമായി എത്തിയതിന് പിന്നാലെയാണ് മന്ത്രിയുടെ ഇടപെടല്
ആവശ്യമായ ക്രമീകരണങ്ങള് ഇല്ലാതെ വനംവകുപ്പ് കുടിലുകള് പൊളിച്ചു മാറ്റിയതിലാണ് ഗോത്രവിഭാഗം പ്രതിഷേധവുമായി എത്തിയത്. അസിസ്റ്റന്റ് വൈല്ഡ് ലൈഫ് വാര്ഡന് ഷിബു കുട്ടനെയാണ് ഉപരോധിച്ചത്.
സമരത്തില് ബി ജെ പി പ്രവര്ത്തകരും പങ്കെടുത്തു.
മൂന്ന് കുടുംബങ്ങളുടെ കുടിലുകളാണ് പൊളിച്ചത്. പകരം സംവിധാനം ഇല്ലാത്തതിനാല് കുടുംബം ഇന്നലെ ഉറങ്ങിയത് കുടില് പൊളിച്ചിട്ട സ്ഥലത്താണ്.
