കൊച്ചി:ശബരിമലയില്‍ പൂപ്പലുളള ഉണ്ണിയപ്പം വിതരണം ചെയ്തത് ഗൗരവമുളള വിഷയമെന്ന് ഹൈക്കോടതി ദേവസ്വം ബഞ്ച്. അഭിഭാഷകന്‍ പൂപ്പലുളള ഉണ്ണിയപ്പത്തിന്റെ ചിത്രം ഹാജരാക്കിയത് പരിഗണിച്ചായിരുന്നു കോടതിയുടെ നിരീക്ഷണം.
വിഷയം തിങ്കളാഴ്ച്ച പരിഗണിക്കുമെന്നും കോടതി അറിയിച്ചു. എന്നാല്‍ മഴയും ഈര്‍പ്പവും കാരണമാകാം പൂപ്പല്‍ പിടിച്ചതെന്നാണ് തിരുവിതാംകൂര്‍ ദേവസ്വം ബോര്‍ഡിന്റെ വിശദീകരണം. പൂപ്പലുള്ള ഉണ്ണിയപ്പം വിതരണം ചെയ്യില്ലെന്ന് ഉറപ്പാക്കിയിട്ടുണ്ട്.
രേഖാമൂലം മറുപടി നല്‍കാമെന്നും ദേവസ്വം ബോര്‍ഡ് കോടതിയെ അറിയിച്ചു. ശബരിമല ദര്‍ശനത്തിനെത്തിയ കൊച്ചി സ്വദേശികള്‍ക്ക് പൂപ്പല്‍ പിടിച്ച ഉണ്ണിയപ്പം വിതരണം ചെയ്തുവെന്നാണ് പരാതി.
