കൊച്ചി: കളമശേരിയില് ഇന്ധനവുമായി എത്തിയ ടാങ്കര് ലോറി മീഡിയനില് ഇടിച്ചു മറിഞ്ഞു. ഇരുമ്പനത്തു നിന്നു വരികയായിരുന്ന ബുള്ളറ്റ് ടാങ്കര് ടിവിഎസ് ജംഗ്ഷനില് വച്ച് മീഡിയനില് ഇടിച്ചാണ് അപകടം
ബുധനാഴ്ച രാത്രിയാണ് സംഭവം.വാഹനത്തില് ഡ്രൈവര് മാത്രമാണ് ഉണ്ടായിരുന്നത്. ഇദ്ദേഹം പരിക്കേല്ക്കാതെ രക്ഷപ്പെട്ടു.
അപകടത്തെ തുടര്ന്ന് പ്രദേശത്ത് വന് ഗതാഗതക്കുരുക്ക് അനുഭവപ്പെട്ടു. പൊലീസും അഗ്നിശമനസേനയും സ്ഥലത്ത് എത്തി. ടാങ്കറിന് ചോര്ച്ചയില്ല.
ബിപിസിഎല്ലില് നിന്ന് വിദഗ്ദ്ധ സംഘം എത്തിയ ശേഷം ടാങ്കറിലെ വാതകം മറ്റൊരു ടാങ്കറിലേക്ക് മാറ്റും. തുടര്ന്നാകും അപകടത്തില്പെട്ട വാഹനം ഇവിടെ നിന്ന് മാറ്റുക.
