ആലപ്പുഴ: വ്യാജ ചാരായ വില്പന നടത്തിയ കേസിലെ പ്രതി 22 വര്ഷത്തിന് ശേഷം അറസ്റ്റിലായി.മാന്നാര് കുട്ടംപേരൂര് ആനമുടിയില് മനോജ് മോഹനെ(46) ആണ് മാന്നാര് പൊലീസ് അറസ്റ്റ് ചെയ്തത്.
വീട്ടില് വ്യാജ ചാരായ വില്പ്പന നടത്തിയതിന് 2002 ലാണ് മനോജ് മോഹനനെ പൊലീസ് ആദ്യം അറസ്റ്റ് ചെയ്തത്.അന്ന് റിമാന്ഡിലായി കുറച്ച് ദിവസങ്ങള്ക്ക് ശേഷം ജാമ്യത്തില് ഇറങ്ങി മുങ്ങുകയായിരുന്നു ഇയാള്.പിന്നീട് ഇതുവരെ കോടതിയില് ഹാജരായിട്ടില്ല. തുടര്ന്ന് കോടതി പ്രതിക്കെതിരെ വാറണ്ട് പുറപ്പെടുവിച്ചിരുന്നു.
വിദേശത്തായിരുന്ന പ്രതി കഴിഞ്ഞ ദിവസമാണ് നാട്ടിലെത്തിയത്. ഇത് അറിഞ്ഞ പൊലീസ് സംഘം വീട്ടിലെത്തിയാണ് മനോജിനെ പിടികൂടിയത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
