ഞങ്ങളുടെ രക്തത്തിൽ ദേശസ്നേഹത്തിന്റെ അളവ് കൂടുതലാണ്, അത് രാജ്യദ്രോഹികളുമായി മാച്ച് ചെയ്യില്ല: സന്ദീപ് വാര്യരെ വിമർശിച്ച് ബി.ഗോപാലകൃഷ്ണൻ

തൃശ്ശൂർ: സന്ദീപ് വാര്യരെ രൂക്ഷമായി വിമർശിച്ച് ബിജെപി വൈസ് പ്രസിഡൻ്റ് ബി. ഗോപാലൃഷ്ണന്റെ ഫേസ്ബുക്ക് പോസ്റ്റ്. പാണക്കാട് തമ്പ്രാൻ്റ പച്ച വെള്ളം ഓതി കുടിക്കാനും അത്താഴം ഉണ്ണാനും, എസ് ഡി പി ഐ ക്കാരന്റെ കൂടെ അന്തി ഉറങ്ങാനും ഞങ്ങളെ കട്ടില്ല. ഒരുപക്ഷേ, ഞങ്ങൾക്ക് എംഎൽഎ ആകാൻ കഴിഞ്ഞില്ലന്ന് വരാം. പക്ഷെ രാജ്യസ്നേഹം അതിന്റെ അന്തസ്സ് കളഞ്ഞ് ഒരിക്കൽ ഛർദ്ദിച്ചത് തിന്നുന്ന അടിമപ്പണിക്ക് ഞങ്ങളെ കിട്ടില്ലെന്നും ഗോപാലൃഷ്ണൻ തന്റെ ഫേസ് ബുക്ക് പേജിൽ കുറിച്ചു.

ഫെയ്സ്ബുക്ക് കുറിപ്പിന്റെ പൂർണരൂപം

സന്ദീപ് വാര്യർ പാർട്ടി മാറിയ പോലെ MT രമേശും പി.കെ.കൃഷ്ണദാസും ബി.ഗോപാലകൃഷ്ണനും എ.എൻ രാധാകൃഷ്ണനും പാർട്ടി മാറാൻ ധൈര്യമുണ്ടോ എന്നാണ് വാര്യരുടെ ചോദ്യം? എന്താ വാര്യരെ കോൺഗ്രസിൽ പോയപ്പോൾ തലക്ക് വെളിവില്ലാതായൊ? ഞങ്ങൾ ഒക്കെ പാർട്ടിയിൽ പ്രവർത്തിക്കുന്നത് വാര്യരെപ്പോലെ ആമാശയ ആർത്തികൊണ്ടോ ആധികാര ആർത്തികൊണ്ടോ അല്ല. അന്തസ്സുള്ള ആദർശം കൊണ്ടാണ്. അപ്പക്കാണുന്നവനെ അപ്പ എന്ന് വിളിക്കുന്ന ചെറ്റത്തരം ഞങ്ങൾക്ക് ഇല്ല.

വയനാട്ടിൽ വെച്ച് ഊളൻപാറയിലേക്ക് വാര്യർ പറഞ്ഞയച്ചവരുടെ അമേദ്യം നാവും തൊണ്ടയും തൊടാതെ ഇഷ്ടഭോജനമാക്കി ആർത്തിയാൽ വിഴുങ്ങുന്നത് ഒരു കസേരക്ക് വേണ്ടി, ഈ അടിമപ്പണിക്ക് ഞങ്ങളെ കിട്ടില്ല. ഞങ്ങളുടെ രക്തത്തിൽ ആർ.എസ്സ്.എസ്സ് പഠിപ്പിച്ച ദേശസ്നേഹത്തിന്റെ അളവ് കൂടുതലാണ്. അത് രാജ്യദ്രോഹികളുമായി മാച്ച് ചെയ്യില്ല.

വാര്യരെ താൻ കോൺഗ്രസ്സിൽ ചേർന്നത് തന്റെ ഇഷ്ടം, തന്റെ ആർത്തി. അവിടെ കിട്ടുന്ന ഉച്ചിഷ്ടമോ എല്ലിൻ കഷണമൊ മേടിച്ച് ജീവിച്ചോളു ഞങ്ങൾക്ക് വിരോധമില്ല വെറുതെ ഞങ്ങടെ മെക്കെട്ട് കേറാൻ വരരുത്…..തൃശ്ശൂരിൽ പങ്കുന്നം എന്റെ വീടിന് അടുത്താണ് മറക്കരുത്. സംഘപരിവാറിന്റെ മേൽവിലാസത്തിൽ രാഷ്‌ട്രീയം പറഞ്ഞ് നാട് മുഴുവൻ കറങ്ങി നടന്ന് കാറ് മേടിക്കാനും കാപ്പി കുടിക്കാനും പണം ഇരന്ന് മേടിച്ച് പണി എടുക്കാതെ ശാപ്പാട് തരമാക്കുന്ന സമീപനവും അർദ്ധരാത്രിയിൽ അശ്ലീല മെസ്സേജുകൾ അയച്ച് പലരേയും ഇക്കിളിപ്പെടുത്തുന്ന സ്വഭാവവും ഞങ്ങൾക്കില്ല വാര്യരേ.

പാണക്കാട് തമ്പ്രാൻ്റ പച്ച വെള്ളം ഓതി കുടിക്കാനും അത്താഴം ഉണ്ണാനും, SDPI ക്കാരന്റെ കൂടെ അന്തി ഉറങ്ങാനും ഞങ്ങളെ കട്ടില്ല. ഒരുപക്ഷേ, ഞങ്ങൾക്ക് MLA ആകാൻ കഴിഞ്ഞില്ലന്ന് വരാം. പക്ഷെ രാജ്യസ്നേഹം അതിന്റെ അന്തസ്സ് കളഞ്ഞ് ഒരിക്കൽ ഛർദ്ദിച്ചത് തിന്നുന്ന അടിമപ്പണിക്ക് ഞങ്ങളെ കിട്ടില്ല. വാര്യരെ ഒന്നും കൂടി ചോദിക്കാനുണ്ട് താൻ മുൻപ് വീമ്പ് പാഞ്ഞ RSS പ്രചാരകൻ അമ്മാവൻ പാർട്ടി മാറാൻ ധൈര്യം കാണിച്ചു വൊ ആവോ ?എടൊ വാര്യരെ… RSS ശാഖ നടത്താത്ത സ്ഥലം കൊടുത്തതാണ് തന്റെ അമ്മ എന്ന് താൻ വീമ്പ് പറഞ്ഞതല്ലെ. ഓർമ ഉണ്ടങ്കിൽ അമ്മയുടെ കുഴിമാടത്തിൽ പോയി ആദ്യം മാപ്പ് പറയു. എന്നിട്ടാകാം ചന്ദ്രഹാസം ഇളക്കൽ.