തിരുവനന്തപുരം: സന്ദീപ് വാര്യര്ക്ക് കോണ്ഗ്രസില് കുറച്ചുകാലം നില്ക്കുമ്പോള് കോണ്ഗ്രസ് എന്താണെന്ന് മനസിലാകുമെന്ന് ധനമന്ത്രി കെ എന് ബാലഗോപാല്.ബിജെപിക്ക് അകത്ത് നില്ക്കാന് പറ്റുന്ന സാഹചര്യം അല്ല കോണ്ഗ്രസില് എന്ന് തിരിച്ചറിയുന്നത് നല്ലതാണ്.
സരിന് ഉള്പ്പെടെയുളളവര് കോണ്ഗ്രസില് നിന്ന് പുറത്തുവന്നു. പാലക്കാട്ടെ തെരഞ്ഞെടുപ്പില് ഇത്തരം സംഭവങ്ങള് ഇടതുപക്ഷത്തിന് അനുകൂലമാകുമെന്നും കെ എന് ബാലഗോപാല് ്അവകാശപ്പെട്ടു.
ബിജെപിയുമായി അകന്ന സന്ദീപ് വാര്യര് ശനിയാഴ്ചയാണ് കോണ്ഗ്രസില് ചേര്ന്നത്. പാലക്കാട് നടന്ന വാര്ത്താ സമ്മേളനത്തില് കെപിസിസി അധ്യക്ഷന് കെ സുധാകരന്, പ്രതിപക്ഷ നേതാവ് വിഡി സതീശന് എന്നിവരുടെ നേതൃത്വത്തില് കോണ്ഗ്രസ് നേതാക്കള് ഷാളണിയിച്ച് സന്ദീപിനെ പാര്ട്ടിയിലേക്ക് സ്വാഗതം ചെയ്യുകയായിരുന്നു.
