ഷൊര്ണൂര് : കോടതിയിലേക്ക് കൊണ്ടുപോകവെ ട്രെയിനില് നിന്ന് ഭാരതപ്പുഴയിലേക്ക് എടുത്തു ചാടി രക്ഷപ്പെടാന് ശ്രമിച്ച തടവുപുള്ളിയെ പിടികൂടി.ഷൊര്ണൂരില്വെച്ചാണ് സംഭവം.
സനീഷ് എന്നയാളാണ് ട്രെയിനില് നിന്ന് ചാടി രക്ഷപെടാന് ശ്രമിച്ചത്. കഴിഞ്ഞ ദിവസം ഉച്ചയ്ക്ക് രണ്ടരയോടെ മംഗലാപുരം-തിരുവനന്തപുരം ഏറനാട് എക്സ്പ്രസിലാണ് സംഭവം. ഭാരതപ്പുഴയ്ക്ക് കുറുകെയുള്ള മേല്പ്പാലത്തിലെത്തിയപ്പോഴായിരുന്നു പ്രതി പുഴയിലേക്ക് ചാടിയത്. ഇയാള്ക്കൊപ്പമുണ്ടായിരുന്ന രണ്ട് പൊലീസുകാര് കൂടി പിന്നാലെ എടുത്തു ചാടുകയും പ്രതിയെ പിടികൂടുകയുമായിരുന്നു.
കാസര്കോട് നിന്ന് ആലുവ കോടതിയില് ഹാജരാക്കാന് കൊണ്ടുപോവുകയായിരുന്നു പ്രതിയെ. ശൗചാലയത്തില് പോകാനായി ഒരു കൈയിലെ വിലങ്ങ് അഴിച്ചപ്പോഴായിരുന്നു രക്ഷപ്പെടാന് ശ്രമിച്ചത്.ട്രെയിനിന്റെ വേഗത കുറയുന്നത് കണ്ട പ്രതി പുഴയിലേക്ക് ചാടുകയായിരുന്നു. തുടര്ന്ന് അപസ്മാരം അനുഭവപ്പെട്ട പ്രതിയെ തൃശൂര് മെഡിക്കല് കോളേജിലേക്ക് മാറ്റി.
