ചെന്നൈ: വിദേശനാണ്യ വിനിമയ നിയമ ലംഘനവുമായി ബന്ധപ്പെട്ട അന്വേഷണത്തിന്റെ ഭാഗമായി എൻഫോഴ്സ്മെൻ്റ് ഡയറക്ടറേറ്റ് തിങ്കളാഴ്ച ചെന്നൈയിലെ ഒന്നിലധികം സ്ഥലങ്ങളിൽ പരിശോധന നടത്തുന്നു.
ഫോറിൻ എക്സ്ചേഞ്ച് മാനേജ്മെൻ്റ് ആക്ട് (ഫെമ) പ്രകാരം ഫയൽ ചെയ്ത കേസിലാണ് പത്തോളം സ്ഥലങ്ങളിൽ തിരച്ചിൽ നടക്കുന്നുണ്ടെന്ന് വൃത്തങ്ങൾ അറിയിച്ചത്. വിദേശനാണ്യ വിനിമയ നിയമത്തിലെ വ്യവസ്ഥകളുടെ ലംഘനവുമായി ബന്ധപ്പെട്ടാണ് അന്വേഷണമെന്നും ഉദ്യോഗസ്ഥർ പറഞ്ഞു.
ചെന്നൈയ്ക്ക് പുറമെ മറ്റിടങ്ങളിലും സുരക്ഷാ സേനയുടെ അകമ്പടിയോടെയാണ് ഇഡി റെയ്ഡ് നടത്തുന്നത്. കൂടുതൽ വിശദാംശങ്ങൾ റെയ്ഡ് പൂർത്തിയായാൽ മാത്രമെ അറിയാൻ സാധിക്കുകയുള്ളുവെന്നും ഉദ്യോഗസ്ഥർ പറഞ്ഞു.
