കിഷ്ത്വാർ ; ജമ്മു കശ്മീരിൽ വീണ്ടും ഭീകരാക്രമണം . കിഷ്ത്വാർ ജില്ലയിലുണ്ടായ ആക്രമണത്തിൽ വില്ലേജ് ഡിഫൻസ് ഗ്രൂപ്പിലെ രണ്ട് അംഗങ്ങൾ കൊല്ലപ്പെട്ടു. നസീർ അഹമ്മദ്, കുൽദീപ് കുമാർ എന്നിവരാണ് കൊല്ലപ്പെട്ടത് . പ്രദേശത്ത് പോലീസ് വൻ തിരച്ചിൽ ആരംഭിച്ചിട്ടുണ്ട്. ആക്രമണത്തിന്റെ ഉത്തരവാദിത്തം കശ്മീർ ടൈഗേഴ്സ് ഏറ്റെടുത്തു .
കന്നുകാലികളെ മേയ്‌ക്കാൻ സമീപത്തെ ഛത്രുവിലെ കുന്ത്വാഡയിലെ വനങ്ങളിലേക്ക് പോയതാണ് ഇരുവരും. വൈകുന്നേരം വരെ തിരിച്ചെത്താത്തതിനെ തുടർന്ന് ഗ്രാമവാസികൾ പോലീസിൽ അറിയിക്കാൻ തീരുമാനിച്ചു . എന്നാൽ അതിനു മുമ്പ്, തീവ്രവാദികൾ രണ്ട് വിഡിജികളുടെ ഫോട്ടോകൾ പുറത്തുവിടുകയും അവർ കൊല്ലപ്പെട്ടതായി അറിയിക്കുകയുമായിരുന്നു.
ഭീകരസംഘടന പുറത്തിറക്കിയ പ്രസ്താവനയിൽ, വിഡിജിയുടെ രണ്ട് സജീവ പ്രവർത്തകരായ കുൽദീപ് കുമാറും നസീറും ഭീകരരെ പിന്തുടർന്ന് കിഷ്ത്വാർ പ്രദേശത്തെത്തിയതായി പറയുന്നു. ഭീകരർ ആദ്യം അവരെ അവഗണിച്ചു, പക്ഷേ അവരെ പിന്തുടരുന്നത് നിർത്താതെ വന്നതോടെ അവരെ പിടികൂടുകയും കൊലപ്പെടുത്തുകയുമായിരുന്നുവെന്നാണ് പറയുന്നത്.
പ്രതികരിക്കാൻ ഇവിടെ എഴുതുക: