ന്യൂഡല്‍ഹി: മുസ്ലീം വിഭാഗങ്ങള്‍ മതനിന്ദയാണെന്ന് ആരോപിച്ചതിനാല്‍ സല്‍മാന്‍ റുഷ്ദിയുടെ വിവാദ നോവലായ ‘ദ സാത്താനിക് വേഴ്സ്’ നിരോധിച്ച നടപടി ചോദ്യം ചെയ്തുള്ള ഹര്‍ജി ഡല്‍ഹി ഹൈക്കോടതി തീര്‍പ്പാക്കി.
പുസ്തകം നിരോധിക്കാനുള്ള രാജീവ് ഗാന്ധിയുടെ നേതൃത്വത്തിലുള്ള കോണ്‍ഗ്രസ് സര്‍ക്കാരിന്റെ തീരുമാനത്തെയാണ് ഹര്‍ജിയില്‍ ചോദ്യം ചെയ്തത്. എന്നാല്‍ 2019 മുതല്‍ തീര്‍പ്പുകല്‍പ്പിക്കാത്ത ഹര്‍ജി ഫലശൂന്യമാണെന്നും പുസ്തകവുമായി ബന്ധപ്പെട്ട എല്ലാ നടപടികളും സ്വീകരിക്കാന്‍ ഹര്‍ജിക്കാരന് അര്‍ഹതയുണ്ടെന്നും ജസ്റ്റിസ് രേഖാ പള്ളിയുടെ നേതൃത്വത്തിലുള്ള ഹൈക്കോടതി ബെഞ്ച് വ്യക്തമാക്കി. ക്രമസമാധാന പ്രശ്നങ്ങള്‍ക്ക് കാരണമാകുമെന്ന് ആരോപിച്ചാണ് കോണ്‍ഗ്രസ് സര്‍ക്കാര്‍ പുസ്തകം നിരോധിച്ചത്.
1988 ഒക്ടോബര്‍ 5-ന് സെന്‍ട്രല്‍ ബോര്‍ഡ് ഓഫ് ഇന്ററക്ട് ടാക്സസ് ആന്‍ഡ് കസ്റ്റംസ് പുറത്തിറക്കിയ വിജ്ഞാപനത്തിന്റെ അടിസ്ഥാനത്തില്‍ പുസ്തകം ഇന്ത്യയില്‍ നിരോധിച്ചതിനാല്‍ തനിക്ക് പുസ്തകം ഇറക്കുമതി ചെയ്യാന്‍ കഴിയുന്നില്ലെന്ന് ഹര്‍ജിക്കാരനായ സന്ദീപന്‍ ഖാന്‍ ചൂണ്ടിക്കാട്ടിയിരുന്നു.
ഇറക്കുമതി ആകാം, സല്‍മാന്‍ റുഷ്ദിയുടെ ‘ദ സാത്താനിക് വേഴ്സ്’ നിരോധിച്ചതു ചോദ്യം ചെയ്തുള്ള ഹര്‍ജി തീര്‍പ്പാക്കി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
