ഏറെ ആരാധകരുള്ള ഇന്ത്യൻ ക്രിക്കറ്റ് താരമാണ് വിരാട് കൊഹ്ലി .ഇന്നും ഇന്ത്യയുടെ എതിർടീമുകളെ ഭയപ്പെടുത്താൻ കരുത്തുള്ള താരം. സച്ചിന് ശേഷം ക്രിക്കറ്റ് സിംഹാസനത്തിലേയ്‌ക്ക് നടന്നടുത്ത കൊഹ്ലിയുടെ കരിയർ തന്നെ ഇതിഹാസറെക്കോർഡുകൾ സ്വന്തമാക്കിയാണ് . അതുകൊണ്ട് തന്നെയാണ് കൊഹ്ലിയെ നെഞ്ചോട് ചേർത്ത് സ്നേഹിക്കുന്ന ആരാധകർ അദ്ദേഹത്തിനുണ്ടായതും .
ഇപ്പോഴിതാ ആരാധകൻ ജന്മദിനസമ്മാനമായി അദ്ദേഹത്തിന് നൽകിയ ഹനുമാൻ ചിത്രമാണ് സമൂഹമാദ്ധ്യമങ്ങളിൽ ശ്രദ്ധ നേടുന്നത് . കലാകാരനായ യാഷ് പ്രജാപതിയാണ് തനിക്ക് ഏറെ പ്രിയപ്പെട്ട താരത്തിന് ഹനുമാൻ ചിത്രം സമ്മാനിച്ചത് . ഇന്ത്യൻ ടീം താമസിക്കുന്ന മുംബൈയിലെ ഹോട്ടൽ മുറിയിൽ എത്തിയാണ് കൊഹ്ലിയ്‌ക്ക് ഈ സമ്മാനം നൽകിയത് . ആരാധകനെ സ്നേഹപൂർവ്വം സ്വീകരിച്ച കൊഹ്ലി സമ്മാനം സ്വീകരിക്കുകയും , യാഷിനെ അഭിനന്ദിക്കുകയും ചെയ്തു.
‘ ഇതിഹാസത്തിനൊപ്പമുള്ള കൂടിക്കാഴ്‌ച്ച , അദ്ദേഹത്തിന് ഹനുമാൻ ഛായാചിത്രം സമ്മാനിച്ചത് അവിസ്മരണീയമായ നിമിഷമായിരുന്നു ‘ എന്നാണ് യാഷ് ഇൻസ്റ്റഗ്രാമിൽ കുറിച്ചത് . കൊഹ്ലിയ്‌ക്കൊപ്പമുള്ള ചിത്രങ്ങളും പങ്ക് വച്ചു .
ആരാധകരെ ഏറെ ബഹുമാനിക്കുന്ന താരമാണ് കൊഹ്ലി . മുൻപും ആരാധകർക്കൊപ്പം സമയം ചിലവിടുന്ന കൊഹ്ലിയുടെ ചിത്രങ്ങൾ വൈറലായിട്ടുണ്ട്.
