ലക്നൗ ; ഉജ്ജൈയ്നിലെ ഛത്രി ചൗക്ക് റോഡിനടുത്തുള്ള കാന്തൽ സ്ക്വയറിൽ സ്ഥാപിച്ചിരിക്കുന്ന ഹനുമാൻ പ്രതിമ നീക്കം ചെയ്യാനുള്ള ശ്രമങ്ങൾ ഫലം കണ്ടില്ല . ഛത്രി ചൗക്ക് റോഡ് വീതി കൂട്ടുന്നതിന്റെ ഭാഗമായാണ് ഹനുമാൻ പ്രതിമ മാറ്റാൻ ശ്രമിച്ചത്.
വ്യാഴാഴ്ച രാത്രി 11 മണി മുതൽ മുനിസിപ്പൽ കോർപ്പറേഷൻ ജീവനക്കാർ പ്രതിമ മാറ്റാൻ ശ്രമിക്കുകയാണ് . പക്ഷേ ഇതുവരെ പ്രതിമ അനക്കാൻ പോലും സാധിച്ചിട്ടില്ല . പുരാവസ്തു വകുപ്പിന്റെ സംഘവും അന്വേഷണത്തിനായി എത്തിയിട്ടുണ്ട്. പക്ഷേ ഒരു പരിഹാരവും കണ്ടെത്തിയിട്ടില്ല. പ്രതിമ കേടുപാടുകളിൽ നിന്ന് രക്ഷിക്കാൻ, പോളിത്തീനിൽ പൊതിഞ്ഞാണ് മാറ്റാൻ ശ്രമിച്ചത്. ഏറെ നേരത്തെ ശ്രമത്തിനു ശേഷം, പായ്ക്കിംഗ് വീണ്ടും തുറക്കേണ്ടി വന്നു. നിലവിൽ, പ്രതിമ അതേ സ്ഥാനത്ത് തുടരുകയാണ് . ഹിന്ദു സംഘടനകളുടെ സമ്മതത്തോടെ, ക്ഷേത്രത്തിന്റെ മതിൽ, താഴികക്കുടം, കൊടുമുടി എന്നിവ നീക്കം ചെയ്തിട്ടുണ്ട്.
നിലവിൽ ക്ഷേത്രത്തിന് ചുറ്റും ഭക്തരുടെ വലിയ നിര തന്നെയുണ്ട്. എത്ര ശ്രമിച്ചിട്ടും പ്രതിമ അനങ്ങാതെ കിടക്കുന്നതിനാൽ എന്തുകൊണ്ട് അത് അവിടെ തന്നെ നിർത്തിക്കൂടാ എന്നാണ് ഭക്തരുടെ ചോദ്യം. ക്ഷേത്രത്തിന് സമീപം ഭജനകളും നടക്കുന്നുണ്ട്. 150 വർഷത്തിലേറെ പഴക്കമുള്ള ഹനുമാൻ ക്ഷേത്രമാണിത്. സിന്ധ്യ കാലഘട്ടം മുതൽ സ്ഥാപിച്ച ഈ പ്രതിമ ശരിക്കും ഭക്തർക്കും അത്ഭുതമാണ്.
പ്രതിമയ്ക്ക് 8 അടി ഉയരമുണ്ട്. താങ്ങില്ലാതെ പ്രതിമ നിൽക്കാൻ, പ്രതിമയുടെ ഒരു ഭാഗം ഒരു പാറയിൽ ഉറപ്പിച്ചിരിക്കുകയാണ് . പാറ 4 അടി വരെ ഭൂമിക്കടിയിലാണ്. പ്രതിമ ഭൂമിയിൽ നിന്ന് വീണ്ടെടുക്കാൻ വീണ്ടും ഖനനം നടത്തും.
