തൃശൂര് : ചികിത്സ വൈകിയതിനാല് ഒരുവയസുകാരന് മരിച്ചതായി ആരോപണം. നടത്തറ കുംഭാര വീട്ടില് വിനു- രാഗി ദമ്പതികളുടെ മകന് ദ്രിയാഷ് ആണ് മരിച്ചത്.
പനിയും അപസ്മാരവും മൂലം കുട്ടിയെ വ്യാഴാഴ്ച വൈകിട്ട് ഒല്ലൂരിലെ സ്വകാര്യ ആശുപത്രിയിലെത്തിച്ചെങ്കിലും ചികിത്സ വൈകിയെന്നാണ് വീട്ടുകാര് പറയുന്നത്. ചികിത്സയ്ക്കിടെ ഗുരുതരവസ്ഥയിലായതിനെ തുടര്ന്ന് രാത്രി 10 ന് തൃശൂരിലെ മറ്റൊരു ആശുപത്രിയിലേക്ക് മാറ്റിയെങ്കിലും ജീവന് രക്ഷിക്കാനായില്ല. തുടര്ന്ന് ബന്ധുക്കള് ഒല്ലൂര് പൊലീസില് പരാതി നല്കി.
എന്നാല് വീഴ്ച ഉണ്ടായിട്ടില്ലെന്ന് ആരോപണം നേരിടുന്ന ആശുപത്രി അധികൃതര് അറിയിച്ചു. ആശുപത്രിയിലെത്തിച്ചപ്പോള് തന്നെ കുട്ടികളുടെ വിദഗദ്ധ ഡോക്ടറാണ് പരിശോധിച്ചത്. ചികിത്സയ്ക്കിടെ രോഗം മൂര്ച്ഛിച്ചതിനെ തുടര്ന്ന് ആശുപത്രിയുടെ തന്നെ ആംബുലന്സില് രണ്ട് സ്റ്റാഫ് നഴ്സുമാരോടൊപ്പം തൃശൂരിലെ ആശുപത്രിയിലേക്ക് മാറ്റിയെന്നും അധികൃതര് പറഞ്ഞു.മരിച്ച ദ്രിയാഷിന്റെ സഹോദരങ്ങള്: തീര്ഥ, തൃഷ്ണ.
