മുസാഫർപൂർ : ബിഹാറിലെ മുസാഫർപൂർ ജില്ലയിൽ വ്യാഴാഴ്ച ചരക്ക് തീവണ്ടിയുടെ നാല് വാഗണുകൾക്ക് പാളം തെറ്റി. ഉച്ചകഴിഞ്ഞ് 3.45 ഓടെ ഈസ്റ്റ് സെൻട്രൽ റെയിൽവേയിലെ സോൻപൂർ ഡിവിഷനിലെ നാരായൺപൂർ അനന്ത് സ്റ്റേഷനിൽ ഷണ്ടിംഗിനിടെയാണ് അപകടമുണ്ടായതെന്ന് റെയിൽവെ അധികൃതർ പറഞ്ഞു.
അതേ സമയം അപകടത്തിൽ ആർക്കും പരിക്കേറ്റിട്ടില്ലെന്നും കാലിയായ വാഗണുകളാണ് അപകടത്തിൽപ്പെട്ടതെന്നും അവർ പറഞ്ഞു. അപകടം നടന്നയുടൻ ഡിവിഷണൽ റെയിൽവേ മാനേജർ വിവേക് ഭൂഷൺ സൂദ് ഉൾപ്പെടെയുള്ള മുതിർന്ന ഉദ്യോഗസ്ഥർ സ്ഥലത്തെത്തി പുനരുദ്ധാരണ പ്രവർത്തനങ്ങൾക്ക് മേൽനോട്ടം വഹിച്ചു.
സംഭവത്തെത്തുടർന്ന് ചില ട്രെയിനുകളുടെ റൂട്ടുകൾ തിരിച്ചുവിട്ടു. കൂടാതെ മുസാഫർപൂർ, സമസ്തിപൂർ റെയിൽവേ സ്റ്റേഷനുകളിൽ നിരവധി ട്രെയിനുകൾ കുറച്ചുനേരം നിർത്തിവച്ചു. അതേ സമയം വാഗണുകൾ പാളം തെറ്റിയത് സംബന്ധിച്ച് അന്വേഷണം ആരംഭിച്ചതായി ഡിആർഎം അറിയിച്ചു.
