ഇടുക്കി: പ്രകാശ് സിറ്റിക്ക് സമീപം മാടപ്രയില് ഭര്ത്താവ് ഭാര്യയെ വെട്ടി പരിക്കേല്പ്പിച്ചു. പുന്നത്താനിയില് കുര്യന്റെ ഭാര്യ ആലീസിനാണ് ആക്രമണത്തില് പരിക്കേറ്റത്.
തലക്കും കഴുത്തിനും ഗുരുതരമായി പരിക്കേറ്റ ആലീസിനെ കട്ടപ്പനയിലെ സ്വകാര്യ ആശുപത്രിയില് പ്രവേശിപ്പിച്ചു. മുറിവേറ്റ ആലീസ് അയല്പക്കത്തെ വീട്ടിലെത്തി വിവരം അറിയിക്കുകയായിരുന്നു. കുടുംബ പ്രശ്നത്തെ തുടര്ന്നാണ് കുര്യന് ഭാര്യയെ വെട്ടിയത്.
സംഭവത്തിനുശേഷം വീട്ടില് നിന്നും ഇറങ്ങിപ്പോയ കുര്യനായി തങ്കമണി പൊലീസ് അന്വേഷണം നടത്തുന്നു. വീട്ടില് നിന്നും വെട്ടാനുപയോഗിച്ച വാക്കത്തി കണ്ടെത്തി.
