റാവല്പിണ്ടി: മൂന്നാം ടെസ്റ്റില് ഇംഗ്ലണ്ടിനെ ഒമ്പത് വിക്കറ്റിന് തോല്പ്പിച്ച് പാകിസ്ഥാന് പരമ്പര സ്വന്തമാക്കി. ഇംഗ്ലണ്ടിന്റെ രണ്ടാം ഇന്നിങ്സ് 112 റണ്സില് അവസാനിപ്പിച്ച പാകിസ്ഥാന് രണ്ടാം ഇന്നിങ്സില് ഒരു വിക്കറ്റ് നഷ്ടത്തില് 37 റണ്സെടുത്താണ് വിജയം പിടിച്ചെടുത്തത്.
നേരത്തെ മത്സരത്തില് ആദ്യം ബാറ്റ് ചെയ്ത ഇംഗ്ലണ്ട് 267 റണ്സെടുത്തിരുന്നു. അതിനെതിരെ പാകിസ്ഥാന് 344 റണ്സെടുത്ത് മേല്കൈ നേടി.
നോമാന് അലിയും സാജിദ് ഖാനും ആണ് രണ്ടാം ഇന്നിങ്സിലും ഇംഗ്ലണ്ടിന്റെ കഥ തീര്ത്തത്.
പരമ്പരയില് ആദ്യ മത്സരത്തില് തോറ്റ ശേഷമായിരുന്നു തുടരെ രണ്ട് മത്സരങ്ങള് ജയിച്ച് പാകിസ്ഥാന് പരമ്പര പിടിച്ചത്. ആദ്യ മത്സരത്തില് ആതിഥേയരായ പാകിസ്ഥാന് 500ന് മേല് സ്കോര് ചെയ്തിട്ടും പരാജയപ്പെടുകയായിരുന്നു. രണ്ടും മൂന്നും ടെസ്റ്റുകളില് നോമാന് അലി, സാജിദ് ഖാന് സ്പിന് ദ്വയത്തിന്റെ ബലത്തില് പാക് ഗംഭീര വിജയം സ്വന്തമാക്കുകയായിരുന്നു. ഇംഗ്ലണ്ടിന്റെ ബാസ്ബോള് കിക്കറ്റിനെ ഉടച്ചുവീഴ്ത്തുന്നതായിരുന്നു പാക് സ്പിന്നര്മാരുടെ അത്യുഗ്രന് പ്രകടനം. സാജിദ് ഖാന് ആണ് പരമ്പരയിലെ താരമായത്. പാകിസ്ഥാന് വേണ്ടി സെഞ്ചുറി നേടിയ സൗദ് ഷക്കീല് മൂന്നാം മത്സരത്തിലെ മികച്ച താരമായി.
