പാലക്കാട്: സിപിഎം നേതൃത്വവുമായി ഇടഞ്ഞ് പാര്ട്ടി വിടുമെന്ന് പ്രഖ്യാപിച്ച പാലക്കാട് ഏരിയാ കമ്മിറ്റിയംഗം അബ്ദുള് ഷുക്കൂറിനെ അനുനയിപ്പിച്ച് പാര്ട്ടി. അബ്ദുള് ഷുക്കൂറുമായി സംസാരിച്ച് അനുനയിപ്പിച്ചതോടെ പാര്ട്ടി വിടാനുളള തീരുമാനം അദ്ദേഹം പിന്വലിക്കുകയായിരുന്നു.
പാര്ട്ടി വിടുമെന്നായതോടെ അബ്ദുള് ഷുക്കൂറിനെ അനുനയിപ്പിക്കാന് സംസ്ഥാന സമിതി അംഗം എന് എന് കൃഷ്ണദാസിനെ നിയോഗിക്കുകയായിരുന്നു.
എല്ഡിഎഫ് സ്ഥാനാര്ഥി പി.സരിന്റെ തെരഞ്ഞെടുപ്പ് കണ്വന്ഷനില് അബ്ദുള് ഷുക്കൂര് പങ്കെടുക്കുമെന്ന് സി പി എം ജില്ലാ നേതൃത്വം അറിയിച്ചു.
പാലക്കാട് ഓട്ടോ ടാക്സി യൂണിയന് ജില്ലാ ട്രഷററാണ് അബ്ദുള് ഷുക്കൂര്. മുന് നഗരസഭാ കൗണ്സിലറുമാണ് .
സിപിഎം പാലക്കാട് ജില്ലാ സെക്രട്ടറിക്കെതിരെ പരസ്യമായി പ്രതികരിച്ചാണ് അബ്ദുള് ഷുക്കൂര് രാജിപ്രഖ്യാപിച്ചത്. പിന്നാലെ കോണ്ഗ്രസ് നേതാക്കള് അദ്ദേഹത്തെ പാര്ട്ടിയിലേക്ക് സ്വാഗതം ചെയ്തിരുന്നു.
