ആലപ്പുഴ: ക്ഷേത്രങ്ങള് കേന്ദ്രീകരിച്ച് കവര്ച്ച നടത്തിയിരുന്ന രണ്ട് പേര് അറസ്റ്റില്. അസാം സ്വദേശിയായ റുപ്പുള് ആമിനേയും (33), മണക്കച്ചിറ സ്വദേശി സൂരജിനെയുമാണ് പിടികൂടിയത്. ആലപ്പുഴ നോര്ത്ത് പൊലീസാണ് ഇരുവരെയും അറസ്റ്റ് ചെയ്തത്.
അഞ്ച് ദിവസം മുമ്പ് കൈതമുറ്റം ക്ഷേത്രത്തിലെ വെള്ളി ഉരുളിയും, ഓട്ടുപാത്രങ്ങളും മോഷ്ടിച്ച കേസിലാണ് റുപ്പുള് ആമിന് പിടിയിലായത്. മുല്ലക്കല് ഉജ്ജയിനി ക്ഷേത്രത്തിലെ കാണിക്കവഞ്ചി കുത്തിത്തുറന്ന് പണം കവരുകയും സമീപത്തെ വ്യപാര സ്ഥാപനത്തിലെ സി.സി.ടി.വി ക്യാമറ നശിപ്പിക്കുകയും ചെയ്തതിനാണ് സൂരജിനെ അറസ്റ്റ് ചെയ്തത്.
