കൊഹിമ: മണിപ്പൂരിൽ വീണ്ടും വൻ ആയുധ വേട്ട നടത്തി സുരക്ഷാ സേന. സൈന്യം, അസം റൈഫിൾസ്, മണിപ്പൂർ പോലീസ്, മറ്റ് സുരക്ഷാ സേനകൾ എന്നിവർ സംയുക്തമായി നടത്തിയ ഓപ്പറേഷനിലാണ് മണിപ്പൂരിലെ വിവിധ പ്രദേശങ്ങളിൽ നിന്ന് വൻ ആയുധങ്ങളും വെടിക്കോപ്പുകളും കണ്ടെടുത്തത്.
പ്രത്യേക വിവരങ്ങളുടെ അടിസ്ഥാനത്തിലാണ് മണിപ്പൂരിലെ കുന്നുകളിലും താഴ്‌വരകളിലും ഓപ്പറേഷൻ നടത്തിയതെന്നും കഴിഞ്ഞ ആഴ്ചയിൽ 26 ആയുധങ്ങളും വെടിക്കോപ്പുകളും മറ്റ് സാമഗ്രികളും വീണ്ടെടുക്കാൻ കഴിഞ്ഞതായും പ്രതിരോധ മന്ത്രാലയം അറിയിച്ചു.
ബിഷ്ണുപൂർ ജില്ലയിൽ ഒക്ടോബർ 7 ന് നടത്തിയ സംയുക്ത ഓപ്പറേഷനിൽ ഒരു കാർബൈൻ മെഷീൻ, ഒരു എകെ 47 റൈഫിൾ, ഒരു 12 ബോർ സിംഗിൾ ബാരൽ റൈഫിൾ, ഒരു 12 ബോർ പിസ്റ്റൾ, 2.5 കിലോ ഐഇഡി, വെടിമരുന്ന് എന്നിവ കണ്ടെടുത്തു.
കൂടാതെ ഗെൽബംഗിൽ നിന്നും ഗ്രനേഡുകളും യുദ്ധസമാനമായ സാമഗ്രികളും രണ്ട് തദ്ദേശീയമായി നിർമ്മിച്ച മോർട്ടാർ , രണ്ട് തദ്ദേശീയ പിസ്റ്റളുകൾ, ഗ്രനേഡുകളും ചുരാചന്ദ്പൂർ ജില്ലയിലെ കാങ്‌വായ് ഏരിയയിൽ നിന്നും വെടിക്കോപ്പുകളും കണ്ടെത്തി.
ഇതിനു പുറമെ ഒക്ടോബർ 8 ന് അസം റൈഫിൾസും മണിപ്പൂർ പോലീസും ഇംഫാൽ വെസ്റ്റിലെ ഖേലഖോങ്ങിലെ ഭീകരരുടെ ഒളിത്താവളം ലക്ഷ്യമാക്കി നടത്തിയ റെയ്ഡിൽ ഒരു 7.62 എംഎം എസ്എൽആർ റൈഫിൾ, ഒന്ന് .303 റൈഫിൾ, ഒരു 9 എംഎം പിസ്റ്റൾ, ഗ്രനേഡുകൾ എന്നിവ കണ്ടെടുത്തു.
കൂടാതെ ഒക്ടോബർ 9ന് ചമ്പൈ, സഗോൾമാങ്ങിൽ നിന്ന് ഒരു എം-16 റൈഫിൾ, രണ്ട് എസ്എൽആർ റൈഫിൾ, ഒരു രാജ്യ നിർമ്മിത സ്റ്റെൻ ഗൺ, രണ്ട് കാർബൈനുകൾ, എട്ട് 9 എംഎം നാടൻ പിസ്റ്റളുകൾ, വെടിമരുന്ന്, ഗ്രനേഡുകൾ, എന്നിവ സൈന്യം കണ്ടെടുത്തിരുന്നു.
