കൊൽക്കത്ത: പശ്ചിമ ബംഗാളിൽ നടക്കുന്ന അനീതികൾക്കെതിരെ പോരാടാൻ പാർട്ടി പ്രതിജ്ഞാബദ്ധമാണെന്ന് ബിജെപി അധ്യക്ഷൻ ജെ. പി നദ്ദ. ആർജി കർ മെഡിക്കൽ കോളജ് ആശുപത്രിയിലെ ഡോക്ടറെ ബലാത്സംഗം ചെയ്ത് കൊലപ്പെടുത്തിയ സംഭവത്തിൽ പ്രതിഷേധം ഉയരുന്നതിനിടെ കൊൽക്കത്തയിലെ ദുർഗാപൂജ പന്തൽ സന്ദർശിക്കുന്നതിനിടെയാണ് കേന്ദ്ര ആരോഗ്യമന്ത്രി നദ്ദയുടെ പ്രസ്താവന.
ഹൗറയിലെ രാമകൃഷ്ണ മിഷന്റെ ആസ്ഥാനമായ ബേലൂർ മഠത്തിലാണ് അദ്ദേഹം ആദ്യം സന്ദർശനം നടത്തിയത്. സംസ്ഥാന ബിജെപി അധ്യക്ഷൻ സുകാന്ത മജുംദാർ, പശ്ചിമ ബംഗാൾ നിയമസഭയിലെ പ്രതിപക്ഷ നേതാവ് സുവേന്ദു അധികാരി എന്നിവർക്കൊപ്പമാണ് അദ്ദേഹത്തിന്റെ സന്ദർശനം.
അവിടെ നിന്ന് അദ്ദേഹം സന്തോഷ് മിത്ര സ്ക്വയർ പൂജാ കമ്മിറ്റിയുടെ പന്തലിലേക്ക് പോയി. അവിടെ ദേവിയുടെ മുന്നിൽ പ്രാർത്ഥിച്ച അദ്ദേഹം പശ്ചിമ ബംഗാളിലെ അനീതികൾക്കെതിരെ പോരാടാനുള്ള ബിജെപിയുടെ പ്രതിബദ്ധത നദ്ദ ഊന്നിപ്പറഞ്ഞു.
സത്യവും നീതിയും ജയിക്കുന്നതുവരെ ദുർഗ്ഗാപൂജ നമ്മെ പുനരുജ്ജീവിപ്പിക്കുകയും അനീതിക്കെതിരെ പോരാടാനുള്ള പുതിയ ഊർജ്ജം നൽകുകയും ചെയ്യുന്നുവെന്നും അദ്ദേഹം പറഞ്ഞു. ദുർഗാ പൂജയുടെ സാംസ്കാരിക പ്രാധാന്യവും അനീതിക്കെതിരെ പോരാടാനുള്ള ചൈതന്യത്തെ പുനരുജ്ജീവിപ്പിക്കുന്നതിലെ പ്രാധാന്യവും അദ്ദേഹം എടുത്ത് പറഞ്ഞു.
ഇതിനു പുറമെ ബംഗാളിയെ ക്ലാസിക്കൽ ഭാഷയായി പ്രഖ്യാപിക്കാനുള്ള കേന്ദ്രസർക്കാരിന്റെ തീരുമാനത്തെയും അദ്ദേഹം പ്രശംസിച്ചു.
