കണ്ണൂര്‍: കൈതക്കൃഷിക്കായി നിലമൊരുക്കാന്‍ എന്ന വ്യാജേന ആറളം ഫാമില്‍ നിന്ന് അനുമതി ഇല്ലാതെ 17 സംരക്ഷിത മരങ്ങള്‍ മുറിച്ചു കടത്തി. ആറളം ഫാം അഞ്ചാം ബ്ലോക്കിലെ 1500 ഏക്കര്‍ സ്ഥലം കൈതക്കൃഷിക്കായി പാട്ടത്തിന് നല്‍കിയിരുന്നു.
ഇവിടെ പാഴ്മരങ്ങള്‍ മുറിക്കാനാണ് ഇരിക്കൂറിലെ സ്വകാര്യവ്യക്തിക്ക് കരാര്‍ നല്‍കിയത്. എന്നാല്‍ ഇതിന്റെ മറവില്‍ ഇരൂള്‍ ഉള്‍പ്പെടെയുള്ള മരങ്ങളാണ് മുറിച്ച് കടത്തിയത്. സംഭവത്തില്‍ കരാറുകാരനോട് വിശദീകരണം തേടി. അന്വേഷണത്തിനായി ഫാം സൂപ്രണ്ട് ഉള്‍പ്പെടെയുള്ള കമ്മിറ്റി രൂപീകരിക്കുകയും ചെയ്തു.
ഫാം ഭരണസമിതി അന്വേഷണത്തിലും അനധികൃത മരംമുറി കണ്ടെത്തി. ഫാം ജീവനക്കാര്‍ ജോലി കഴിഞ്ഞു പോയ ശേഷമാണ് സംരക്ഷിത മരങ്ങള്‍ മുറിച്ചത്. കരാറുകാരനെതിരെ ഫാം അഡ്മിനിസ്‌ട്രേറ്റര്‍ പൊലീസില്‍ പരാതി നല്‍കി.
