തൃശൂര്: ഹൈക്കോടതി ജഡ്ജി ദേവന് രാമചന്ദ്രന്റെ വാഹനം റോഡിലെ കുഴിയില് വീണു. തൃശൂര് കുന്നംകുളം റോഡില് മുണ്ടൂര് മഠത്തിന് സമീപമാണ് അപകടമുണ്ടായത്.
അപകടത്തില് വാഹനത്തിന്റെ ടയര് പൊട്ടി. തലനാരിഴയ്ക്കാണ് രക്ഷപ്പെട്ടതെന്ന് ജസ്റ്റിസ് ദേവന് രാമചന്ദ്രന് പറഞ്ഞു.
കോഴിക്കോട്ടേക്ക് യാത്ര ചെയ്യുന്നതിനിടയിലാണ് അപകടമുണ്ടായത്. തൃശൂര് കുറ്റിപ്പുറം റോഡിലെ മുണ്ടൂര് മുതല് കുന്നംകുളം വരെയുള്ള ഭാഗം ഏറെ നാളായി തകര്ന്നു കിടക്കുകയാണ്.
ഇവിടെ വാഹനാപകടങ്ങള് നിത്യസംഭവമാണെന്ന് യാത്രക്കാര് പറയുന്നു. എന്നിട്ടും അധികൃതര് യാതൊരു നടപടിയും സ്വീകരിക്കുന്നില്ലെന്നാണ് പരാതി.
