അരൂര്‍:ബസ് ഡ്രൈവറെഅക്രമിച്ച കേസില്‍ എഴുപുന്ന തെക്ക് കറുകപ്പറമ്പില്‍ സോമേഷിനെ (40) പൊലീസ് പിടികൂടി. ദേശീയ പാതയിലൂടെ പോവുകയായിരുന്ന സ്വകാര്യ ബസ് ചെളി തെറിപ്പിച്ചതില്‍ പ്രകോപിതനായാണ് സോമേഷ് ബസിന് പിന്നാലെയെത്തി ബസിന്റെ ചില്ല് കല്ലെറിഞ്ഞു തകര്‍ത്തത്.
കാര്യം അന്വേഷിക്കാന്‍ ബസില്‍ നിന്ന് പുറത്തിറങ്ങിയ ഡ്രൈവറുടെ തലയില്‍ കൈയിലുണ്ടായിരുന്ന കാനിലെ പെട്രോള്‍ ഒഴിച്ച് വധഭീഷണിയും മുഴക്കി. ബസ് ഡ്രൈവറുടെ നിലവിളി കേട്ട് ഓടിയെത്തിയ നാട്ടുകാരും ബസിലുണ്ടായിരുന്ന മറ്റ് യാത്രക്കാരും ചേര്‍ന്ന്ഡ്രൈവറെ രക്ഷപ്പെടുത്തുകയായിരുന്നു.ബസ് െ്രെഡവര്‍ ചേര്‍ത്തല വയലാര്‍ കൈതത്തറ വീട്ടില്‍ മാത്യുവിനെ അരൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു.
സംഭവത്തെ തുടര്‍ന്ന് അരമണിക്കൂറോളം ദേശീയ പാതയില്‍ ഗതാഗത തടസവും സംഘര്‍ഷവും ഉണ്ടായി. തുടര്‍ന്ന് അരൂര്‍ പൊലീസ് സംഭവസ്ഥലത്തെത്തിയാണ് ബൈക്ക് യാത്രികനായ സോമേഷിനെ കസ്റ്റഡിയിലെടുത്തത്. ബുധനാഴ്ച രാവിലെ ഒമ്പതോടെ എരമല്ലൂര്‍ ജംഗ്ഷന് സമീപമാണ് സംഭവം നടന്നത്.
