കോഴിക്കോട്: തപസ്യ കലാസാഹിത്യവേദിയുടെ പതിനാലാമത് സഞ്ജയന്‍ പുരസ്‌കാരം ചരിത്രപണ്ഡിതനായ ഡോ. എംജിഎസ് നാരായണന്.
50,000 രൂപയും പ്രശസ്തിപത്രവും ഫലകവും പൊന്നാടയും അടങ്ങുന്നതാണ് പുരസ്‌കാരം. ആഷാമേനോന്‍, പി.ആര്‍. നാഥന്‍, പ്രൊഫ.പി.ജി. ഹരിദാസ് എന്നിവരടങ്ങിയ സമിതിയാണ് പുരസ്‌കാരനിര്‍ണയം നടത്തിയത്. 27ന് വൈകിട്ട് അഞ്ചിന് കോഴിക്കോട് മലാപ്പറമ്പ് ഹൗസിങ് കോളനി ഓഡിറ്റോറിയത്തില്‍ ചേരുന്ന സമ്മേളനത്തില്‍ ഗോവ ഗവര്‍ണര്‍ പി.എസ്. ശ്രീധരന്‍ പിള്ള പുരസ്‌കാരം സമ്മാനിക്കും. കോഴിക്കോട് സര്‍വകലാശാല വൈസ് ചാന്‍സലര്‍ ഡോ. പി. രവീന്ദ്രന്‍ മുഖ്യാതിഥിയാകും.
തപസ്യ സംസ്ഥാന കാര്യാദ്ധ്യക്ഷന്‍ പ്രൊഫ. പി.ജി. ഹരിദാസ് അദ്ധ്യക്ഷത വഹിക്കുന്ന സമ്മേളനത്തില്‍ കെ.എം. നരേന്ദ്രന്‍ എംജിഎസ് നാരായണന്റെ ചരിത്രപഠനമേഖലയിലെ സംഭാവനകള്‍ എന്ന വിഷയത്തിലും ഡോ. ശ്രീശൈലം ഉണ്ണിക്കൃഷ്ണന്‍ സഞ്ജയന്റെ സാഹിത്യ സംഭാവനകള്‍ എന്ന വിഷയത്തിലും പ്രഭാഷണം നടത്തും.
