ആലപ്പുഴ: അരൂര്-തുറവൂര് ദേശീയപാതയില് ഗതാഗത നിയന്ത്രണം ആരംഭിച്ചു. അരൂര്-തുറവൂര് ഉയരപ്പാതനിര്മ്മാണവുമായി ബന്ധപ്പെട്ട യാത്രക്ലേശം പരിഹരിക്കാന് സമാന്തരപാതകളുടെ അറ്റകുറ്റപ്പണികള് നടക്കുന്നതിനാലാണ് ഗതാഗത നിയന്ത്രണം ഏര്പ്പെടുത്തിയത്. ഒരാഴ്ചത്തേക്കാണ് നിയന്ത്രണം.ഇരുചക്ര വാഹനങ്ങള് അല്ലാത്തവ കടത്തിവിടുന്നില്ല. മറ്റു വാഹനങ്ങള് അരൂക്കുറ്റി വഴിയോ തീരദേശ റോഡ് വഴിയോ എറണാകുളത്തേക്ക് തിരിഞ്ഞു പോകണം. ദേശീയപാതയില് തുറവൂരില് നിന്നും അരൂരിലേക്ക് ചെറിയ വാഹനങ്ങള് കടത്തി വിടുന്നുണ്ട്. തുറവൂര് ഭാഗത്ത് നിന്ന് അരൂര് ഭാഗത്തേക്ക് പോകുന്ന റോഡ് അടച്ചിടും. പകരം അരൂര് ഭാഗത്ത് നിന്ന് തുറവൂര് ഭാഗത്തേക്കുള്ള റോഡിലൂടെ മാത്രമാണ് ഗതാഗതം
എറണാകുളം ഭാഗത്തേക്ക് പോകുന്നവര്-
അരൂര് ക്ഷേത്രം ജംഗ്ഷനില് നിന്നും ഫ്രീ ലെഫ്റ്റ് എടുത്ത് U ടേണ് എടുത്ത് എറണാകുളം ഭാഗത്തേക്ക് പോകണം
ആലപ്പുഴ ഭാഗത്തേക്ക് പോകുന്നവര്-
കുണ്ടന്നൂര് നിന്നും തൃപ്പൂണിത്തുറ, പുതിയ കാവ്, ഉദയം പേരൂര്, വൈക്കം തണ്ണീര്മുക്കം വഴി/ ബീച്ച് റോഡ്, പള്ളിത്തോട്, ചെല്ലാനം വഴി തീരദേശ റോഡ് വഴി
തിരുവനന്തപുരം, കൊല്ലം ആലപ്പുഴ ഭാഗത്തുനിന്നും തൃശൂര് ഭാഗത്തേക്ക് പോകേണ്ടവര്-
MC / AC Road വഴി പോകേണ്ടതാണ്.
വലിയ വാഹനങ്ങള് കടത്തിവിടില്ല
