കൊച്ചി: ഹൈക്കോടതി ദേവസ്വം ബെഞ്ചിനെതിരെ സുപ്രീം കോടതിയെ സമീപിച്ചെന്ന പ്രചാരണം തെറ്റാണെന്ന് തിരുവിതാംകൂര് ദേവസ്വം ബോര്ഡ്.ദേവസ്വം കമ്മീഷണറെ നിയമിക്കുന്നതിന് ഹൈക്കോടതിയുടെ മുന്കൂര് അനുമതി വേണമെന്ന ഉത്തരവിനെതിരെയാണ് അപ്പീല് നല്കിയത്.
ഹൈക്കോടതി ദേവസ്വം ബഞ്ചാണ് ഉത്തരവിട്ടത്. ഇതിനെതിരെ ഇന്നലെ ഹര്ജി നല്കിയതിന് പിന്നാലെ തെറ്റായ ചില പ്രചരണങ്ങള് നടക്കുന്നതായി ദേവസ്വം ബോര്ഡ് വാര്ത്താക്കുറിപ്പില് വിശദീകരിച്ചു.
നിയമപ്രകാരം ദേവസ്വം കമ്മീഷണറെ നിയമിക്കാനുള്ള പൂര്ണ അധികാരം ബോര്ഡിനാണ്. മറ്റൊരു ദേവസ്വം ബോര്ഡിനും ഹൈക്കോടതി ഈ നിബന്ധന വച്ചിട്ടുമില്ല. അതുകൊണ്ടുമാത്രമാണ് ബോര്ഡിന്റെ അധികാരം കാത്തുസൂക്ഷിക്കുന്നതിനായി സൂപ്രംകോടതിയെ സമീപിച്ചത്.
