കോട്ടയം: അമിത വേഗതയില് ഓടിയ സ്വകാര്യ ബസ് ബൈക്ക് യാത്രികനെ ഇടിച്ചിട്ടു. കോട്ടയം – ഏറ്റുമാനൂര് റൂട്ടില് സര്വീസ് നടത്തുന്ന പുള്ളത്തില് എന്ന ബസാണ് അപകടമുണ്ടാക്കിയത്.
വടവാതൂര് സ്വദേശി ജോയിയെയാണ് മനോരമ ജംഗ്ഷന് സമീപം ഇടിച്ചിട്ടത്. ഗുരുതരമായി പരിക്കേറ്റ ജോയിയെ കോട്ടയം മെഡിക്കല് കോളേജ് ആശുപത്രിയില് പ്രവേശിപ്പിച്ചു.
ഇരയില് കടവ് ഭാഗത്തുനിന്നും പ്രധാന റോഡിലേക്ക് പ്രവേശിച്ച ജോയിയെ എതിരെ അമിത വേഗതയില് എത്തിയ ബസ് ഇടിച്ചിടുകയായിരുന്നു. ബസിന്റെ അടിയില് കുടുങ്ങിയ ജോയിയുമായി കുറച്ച് ദുരം ബസ് മുന്നോട്ട് പോയി.
പിന്നീട് നാട്ടുകാര്് ജോയിയെ പുറത്തെടുത്ത് ജില്ലാ ജനറല് ആശുപത്രിയില് എത്തിച്ചു. പ്രാഥമിക ശുശ്രൂഷകള്ക്ക് ശേഷം മെഡിക്കല് കോളേജിലേക്ക് ഇയാളെ മാറ്റി.
