ബത്തേരി: സുല്ത്താന് ബത്തേരി സര്വീസ് സഹകരണ ബാങ്കിലേക്കുള്ള തെരഞ്ഞെടുപ്പില് ബിജെപി നേതൃത്വത്തിലുള്ള സഹകരണ മുന്നണിക്ക് ഉജ്ജ്വല വിജയം. 13 അംഗ ഭരണസമിതിയിലേക്കുള്ള തെരഞ്ഞെടുപ്പില് മുഴുവന് സീറ്റുകള് നേടിയാണ് തുടര്ച്ചയായി മൂന്നാം തവണയും സഹകരണ മുന്നണി ഭരണത്തിലെത്തുന്നത്.
ജില്ലയിലെ പ്രധാനപ്പെട്ട സഹകരണ ബാങ്കുകളില് ഒന്നായ സുല്ത്താന് ബത്തേരി സഹകരണ ബാങ്ക്. യുഡിഎഫ് നേതൃത്വത്തിലുള്ള സഹകരണ സംരക്ഷണ മുന്നണിയെ പരാജയപ്പെടുത്തിയാണ് ബിജെപി നേതൃത്വം നല്കുന്ന മുന്നണി ബാങ്കിന്റെ ഭരണ സാരഥ്യം ഏറ്റെടുക്കുന്നത്. ബത്തേരി സെന്റ് ജോസഫ് ഇംഗ്ലീഷ് സ്കൂളിലായിരുന്നു തെരഞ്ഞെടുപ്പ്.
പ്രസിഡന്റായി ഇ.പി. മോഹന്ദാസിനെയും വൈസ് പ്രസിഡന്റായി കെ. പ്രേമാനന്ദിനെയും തെരഞ്ഞെടുത്തു. വിജയത്തെ തുടര്ന്ന് ബിജെപി പ്രവര്ത്തകര് ബത്തേരി ടൗണില് ആഹ്ലാദ പ്രവര്ത്തനം നടത്തി
