വാഷിംഗ്ടണ്: താന് ഹിന്ദുവിന്റെയും ഇന്ത്യയുടെയും ആരാധകനാണെന്ന് മുന് യുഎസ് പ്രസിഡന്റും ഇപ്പോഴത്തെ യുഎസ് പ്രസിഡന്റ് സ്ഥാനാര്ത്ഥിയുമായ ഡൊണാള്ഡ് ട്രംപ്. ഇന്ത്യ എല്ലാക്കാലത്തും ഇസ്ലാമിക മതമൗലികവാദത്തിനെതിരെ പൊരുതിയ രാജ്യമാണെന്നും ഡൊണാള്ഡ് ട്രംപ് അഭിപ്രായപ്പെട്ടു.
പ്രസിഡന്റ് തെരഞ്ഞെടുപ്പിന്റെ ഭാഗമായുള്ള ഒരു പ്രചാരണ പരിപാടിയില് പങ്കെടുത്ത് സംസാരിക്കുകയായിരുന്നു അദ്ദേഹം. താന് യുഎസ് പ്രസിഡന്റായി തെരഞ്ഞെടുക്കപ്പെട്ടാല് ഇന്ത്യയ്ക്കും ഹിന്ദു സമുദായത്തിനും വൈറ്റ് ഹൗസില് ഒരു യഥാര്ത്ഥ ചങ്ങാതി ഉണ്ടായിരിക്കുമെന്നും ഡൊണാള്ഡ് ട്രംപ് ഉറപ്പ് നല്കി.
യുഎസ് പ്രസിഡന്റ് തെരഞ്ഞെടുപ്പില് ഇപ്പോള് റിപ്പബ്ലിക്കന് പാര്ട്ടിയുടെ സ്ഥാനാര്ത്ഥിയായ ഡൊണാള്ഡ് ട്രംപാണ് മുന്പന്തിയില് നില്ക്കുന്നത്. എക്സിന്റെ സിഇഒ ഇലോണ് മസ്കുള്പ്പെടെ ഡൊണാള്ഡ് ട്രംപിന് നവമാധ്യമങ്ങളില് മികച്ച പിന്തുണയാണുള്ളത്. നരേന്ദ്രമോദിയുടെ അടുത്ത സുഹൃത്ത് കൂടിയാണ് ഡൊണാള്ഡ് ട്രംപ്. ഹിന്ദുകൂട്ടക്കൊലയുടെ പ്രതീകമായി ഒരു സ്മാരകം വാഷിംഗ്ടണ് ഡിസിയില് ഉയര്ത്തുമെന്ന് നേരത്തെ ഡൊണാള്ഡ് ട്രംപ് പ്രസ്താവിച്ചിരുന്നു.
