കൊച്ചി: പൃഥ്വിരാജും നല്ലതൊന്നും ചെയ്തിട്ടില്ലെന്നും ഇത്തരമൊരു സന്ദര്ഭത്തില് പൊതുവായി നല്കുന്ന ഉത്തരം മാത്രമാണ് നടന് നല്കിയതെന്നും ഷക്കീല. പൃഥ്വിരാജിനെ അത്ര പെര്ഫെക്ടായി ഉയര്ത്തിക്കാണിക്കേണ്ട. ‘പൃഥ്വിരാജ് എന്താണ് നല്ലത് ചെയ്തത്!, ഇക്കാര്യത്തില് ഞാനും നിങ്ങളും പറയുന്നത് തന്നെയല്ലേ പൃഥ്വിരാജും പറഞ്ഞത്. അതല്ലാതെ പൃഥ്വിരാജ് എന്ത് ചെയ്തുവെന്ന് ഷക്കീല ചോദിക്കുന്നു.
അന്വേഷണം നടത്തണം, സത്യമാണോ എന്ന് അറിയണം, പ്രതികളെ ശിക്ഷിക്കണം. ഇതല്ലേ പൃഥ്വിരാജ് പറഞ്ഞത്. ഇതുതന്നെയല്ലേ നമ്മളും പറയുന്നത്. മാധ്യമങ്ങളുടെ ചോദ്യത്തിന് പൊതുവേ പറയുന്ന ഉത്തരമാണിത്. ഇതിന്റെ പേരില് പൃഥ്വിരാജിനെ പറ്റി സംസാരിക്കേണ്ട ആവശ്യം പോലുമില്ല’.
‘മോഹന്ലാലിനോട് ചോദിച്ചാലും പൃഥ്വിരാജ് പറഞ്ഞ അതേ മറുപടി ലഭിക്കും. ആരോട് ചോദിച്ചാലും ഈ ഉത്തരമായിരിക്കും. അല്ലാതെ പൃഥ്വിരാജ് വ്യത്യസ്തമായി ഒന്നും പറഞ്ഞിട്ടില്ല. അതുകൊണ്ട് ഇന്നയാള് നല്ലത്, ഇന്നയാള് മോശം എന്നൊന്നും പറയാന് കഴിയില്ല. ഇവരും ഇത് ചെയ്തിട്ടുണ്ടോ എന്ന് പറയാന് സാധിക്കില്ല. മാധ്യമത്തിനു മുന്പില് സംസാരിച്ചത് കൊണ്ട് പൃഥ്വിരാജ് പെര്ഫെക്ട് ആണെന്ന് പറയാന് ശ്രമിക്കേണ്ട. ഒരുപാട് വിഷയങ്ങള് പലരെയും പറ്റി എനിക്ക് നന്നായി അറിയാം. ഷക്കീല പറഞ്ഞു.
