കൊച്ചി : സംവിധായകന് ആഷിഖ് അബു ഫെഫ്കയില് നിന്ന് രാജിവെച്ചു. ഫെഫ്കയുടേത് കാപട്യം നിറഞ്ഞ നേതൃത്വമെന്ന് ആഷിഖ് അബു കുറ്റപ്പെടുത്തി.
ബി ഉണ്ണി കൃഷ്ണനെതിരായ വിമര്ശനങ്ങള്ക്ക് പിന്നാലെയാണ് ആഷിക് അബുവിന്റെ രാജി. ഹേമ കമ്മിറ്റി റിപ്പോര്ട്ടിന്റെ കുറച്ചു ഭാഗം പുറത്തുവരികയും തുടര്ന്നുണ്ടായ വിവാദങ്ങളിലും ഫെഫ്ക സ്വീകരിച്ച നിലപാടില് അതൃപ്തി പ്രകടിപ്പിച്ച് സംവിധായകന് ആഷിഖ് അബു രംഗത്ത് വന്നിരുന്നു.
സമൂഹത്തോട് ഒരു തരത്തിലുള്ള ഉത്തരവാദിത്തവും നിറവേറ്റാന് ഒരു തൊഴിലാളി സംഘടനാ നേതൃത്വം തയാറാവുന്നില്ലായെന്നത് തന്നെ ആശ്ചര്യപ്പെടുത്തിയെന്ന് ആഷിഖ് അബു വെളിപ്പെടുത്തി. മാധ്യമങ്ങളോടും നാട്ടുകാരോടും നാം സംസാരിക്കേണ്ടതില്ലായെന്നാണ് അവരോട് ചോദിക്കുമ്പോള് ലഭിക്കുന്ന പ്രതികരണം.
റിപ്പോര്ട്ടില് അക്കാദമിക് ആയ ചര്ച്ച വേണമെന്നാണ് ഫെഫ്കയുടെ തലപ്പത്തുളളവര് പറയുന്നത്. അംഗമെന്ന നിലയ്ക്ക് സംഘടനയുടെ നിലപാടില് ശക്തമായ പ്രതിഷേധമുണ്ടെന്നും ആഷിഖ് അബു പറഞ്ഞു.
