ശ്രീനഗര്‍: കശ്മീര്‍ സന്ദര്‍ശിച്ച രാഹുല്‍ ഗാന്ധിയുടെ വിവാഹം വീണ്ടും ചര്‍ച്ചയായി. വിവാഹം കഴിക്കുന്നില്ലേ എന്ന് ചില കശ്മീരി പെണ്‍കുട്ടികളുടെ ചോദ്യത്തിന് കഴിഞ്ഞ 30 വര്‍ഷമായി വിവാഹസമ്മര്‍ദ്ദത്തെ അതിജീവിച്ചവനാണെന്ന് താനെന്നായിരുന്നു രാഹുല്‍ ഗാന്ധിയുടെ മറുപടി.
ഇതോടെ വിവാഹം കഴിക്കാന്‍ തല്‍ക്കാലം പദ്ധതിയില്ലെന്ന് തുറന്നുപറയുകയായിരുന്നു രാഹുല്‍ ഗാന്ധി. ഈയിടെ ബ്ലിറ്റ് സ് മാസിക പ്രസിദ്ധീകരിച്ച ലേഖനത്തില്‍ രാഹുല്‍ രണ്ടുവട്ടം വിദേശത്ത് വിവാഹം കഴിച്ചെന്നും അതില്‍ രണ്ട് കുട്ടികളുണ്ടെന്നും റിപ്പോര്‍ട്ടുണ്ടായിരുന്നു. ഈ റിപ്പോര്‍ട്ടിനെക്കുറിച്ച് ഇത് വരെ കോണ്‍ഗ്രസ് നേതാക്കള്‍ പ്രതികരിച്ചിട്ടില്ല.
രാഹുല്‍ ഗാന്ധിയുടെ മറഞ്ഞിരിക്കുന്ന സ്വകാര്യ ജീവിതവും അവിഹിത ബന്ധങ്ങളും തുറന്നു കാട്ടുന്നതാണ് ലേഖനം. അദ്ദേഹം ‘റാഹുല്‍ വിഞ്ചി’ എന്ന അപരനാമത്തില്‍ ഒരു ദുരൂഹ ജീവിതം നയിക്കുന്നുവെന്ന് ബ്ലിറ്റ്സിലെ ലേഖനം ആരോപിക്കുന്നു. ഇതില്‍ കൊളംബിയന്‍ മയക്കുമരുന്ന് മാഫിയാ തലവന്റെ മകള്‍ വെറോണിക്ക് കാര്‍ട്ടെല്ലിയുമായി രാഹുല്‍ ഗാന്ധിക്ക് അടുത്ത ബന്ധമുണ്ടായിരുന്നുവെന്നും അവര്‍ രണ്ട് മക്കളുടെ മാതാവാണെന്നും ലേഖനത്തില്‍ വ്യക്തമാക്കുന്നു.
രാഹുല്‍ ഗാന്ധിയ്‌ക്ക് അഫ്ഗാനിസ്ഥാനിലെ രാജാവായിരുന്ന മുഹമ്മദ് സാഹിര്‍ ഷായുടെ ചെറുമകള്‍ നോയല്‍ സഹെറുമായിട്ടും പ്രണയബന്ധമുണ്ടായിരുന്നുവെന്നും ബ്ലിറ്റ്സ് മാഗസിന്‍ വെളിപ്പെടുത്തുന്നു.
രാഹുലുമായുള്ള വിവാഹത്തിനുള്ള തയ്യാറെടുപ്പിന്റെ ഭാഗമായി നോയല്‍ രാജകുമാരി റോമന്‍ കത്തോലിക്കാ മതത്തിലേക്ക് മതപരിവര്‍ത്തനം ചെയ്തതായി റിപ്പോര്‍ട്ടില്‍ പറയുന്നു. സോണിയാഗാന്ധിയുടെ ഇറ്റലിയിലെ ചാപ്പലില്‍ കാമുകി നോയലിനൊപ്പം രാഹുല്‍ ഗാന്ധി പലപ്പോഴും പ്രാര്‍ത്ഥിച്ചിരുന്നുവത്രെ. എന്നാല്‍ നോയല്‍
ഗര്‍ഭിണിയായപ്പോള്‍ രാഹുലും നോയലും തമ്മിലുള്ള ബന്ധം വഷളാവുകയായിരുന്നു, അതോടെ നോയല്‍ ഗര്‍ഭച്ഛിദ്രം നടത്തണമെന്ന് രാഹുല്‍ നിര്‍ബന്ധിച്ചതായും ഈ റിപ്പോര്‍ട്ടില്‍ പറയുന്നു. ഇത് നോയലിനെ വല്ലാതെ വേദനിപ്പിച്ചു, രാഹുലിനെ വഞ്ചകനായി കണ്ട് അവള്‍ ബന്ധം അവസാനിപ്പിച്ചെന്നാണ് പറയുന്നത്. പിന്നീട് നോയല്‍, ഈജിപ്ഷ്യ രാജകുമാരന്‍ മുഹമ്മദ് അലിയെ വിവാഹം കഴിക്കുകയും ചെയ്തു.
രാഹുലിന്റെ വിദേശജീവിതത്തെക്കുറിച്ചുള്ള മുഴുവന്‍ വിവരങ്ങളും കേന്ദ്ര ആഭ്യന്തര വകുപ്പിന്റെ കൈവശം ഉള്ളതായി പറയപ്പെടുന്നു. കൂടുതല്‍ പ്രതികരിച്ചാല്‍ അത് തിരിച്ചടിയുണ്ടാക്കുമെന്ന ബോധ്യമുള്ളതിനാല്‍ കോണ്‍ഗ്രസ് നേതാക്കള്‍ മൗനം പാലിക്കുകയാണ്.
ഇതിനിടെയാണ് കഴിഞ്ഞ ദിവസം കശ്മീര്‍ സന്ദര്‍ശിച്ച രാഹുല്‍ ഗാന്ധിയുടെ വിവാഹത്തെക്കുറിച്ച് ചില പെണ്‍കുട്ടികള്‍ ചോദിച്ചത്. ചോദ്യം കേട്ട് വെട്ടിലായ രാഹുല്‍ ഗാന്ധി ഇപ്പോള്‍ വിവാഹമില്ല എന്നും 30 വര്‍ഷമായി വിവാഹത്തെ അതിജീവിക്കുന്നവനാണ് താനെന്നും വെളിപ്പെടുത്തിയത്. രാഹുലിന്റെ ഈ പ്രസ്താവനയെ പരിഹസിക്കുകയാണ് സമൂഹമാധ്യമങ്ങള്‍.
കശ്മീരില്‍ മുസ്ലിംപെണ്‍കുട്ടികള്‍ പറഞ്ഞ മറ്റൊരു കാര്യം ഇവിടെ വിവാഹമോചനം (തലാഖ്) വര്‍ധിച്ചുവരുന്നു എന്നതാണ്. ഇതിനും രാഹുല്‍ ഗാന്ധിയ്‌ക്ക് വ്യക്തമായ മറുപടി ഇല്ലായിരുന്നു.
