ആലുവ : ബൈക്ക് മോഷണക്കേസിൽ രണ്ട് പേർ പിടിയിൽ. വൈപ്പിൻ കമ്പിളിത്താഴത്ത് താമസിക്കുന്ന തടിക്കകടവ്, വെസ്റ്റ് വെളിയത്തുനാട്, കരുമാല്ലൂർ ആരോഡിൽ വീട്ടിൽ ബിബിൻ (24), ഇടപ്പള്ളിയിൽ താമസിക്കുന്ന മുപ്പത്തടം സ്വദേശിയായ പതിനെട്ടുകാരൻ എന്നിവരെയാണ് ആലുവ പോലീസ് അറസ്റ്റ് ചെയ്തത്.
കഴിഞ്ഞ 16, 22 തീയതികളിൽ ആലുവ യുസി കോളേജ്, വെളിയത്തുനാട് ഭാഗങ്ങളിൽ നിന്നാണ് രണ്ട് ബൈക്കുകൾ മോഷണം പോയത്. തുടർന്ന് ആലുവ പോലീസ് കേസ് രജിസ്റ്റർ ചെയ്ത അന്വേഷണം ആരംഭിച്ചു.
ശാസ്ത്രീയ അന്വേഷണങ്ങൾക്ക് ഒടുവിൽ 23-ന് രാത്രി തൃക്കാക്കര ഭാഗത്തുനിന്ന് ഒന്നാംപ്രതിയായ പതിനെട്ടുകാരനെ തൃക്കാക്കര പോലീസിന്റെ സഹായത്തോടെ പിടികൂടി. രണ്ടാമനെ 24 ന് ബിനാനപുരത്തു നിന്നുമാണ് പിടികൂടിയത്.
ഡിവൈഎസ്പി ടിആർ രാജേഷിന്റെ നേതൃത്വത്തിലുള്ള അന്വേഷണ സംഘത്തിൻ ഇൻസ്പെക്ടർ എം.എം. മഞ്ജുദാസ് , എസ്ഐ മുഹമ്മദ് അൻസാർ, എഎസ്ഐ പി.എസ്. സാൻവർ സിപിഓമാരായ കെ.എ. സിറാജുദ്ദീൻ മാഹിൻഷാ അബൂബക്കർ കെ. എം. മനോജ് എന്നിവരും ഉണ്ടായിരുന്നു.
