തൊടുപുഴ: ഗോവ ഗവര്‍ണര്‍ പി എസ് ശ്രീധരന്‍ പിള്ളയുടെ യാത്രാവഴിയില്‍ വിഐപി ഡ്യൂട്ടി ചെയ്യുകയായിരുന്ന വനിതാ പോലീസ് ഉദ്യോഗസ്ഥയെ അടിച്ചുവീഴ്ത്തിയ സംഭവത്തില്‍ സിവില്‍ പോലീസ് ഓഫീസറെ സസ്പെന്‍ഡ് ചെയ്തു. മുട്ടം പോലീസ് സ്റ്റേഷനിലെ സിവില്‍ പോലീസ് ഓഫീസര്‍ സിനാജിനെയാണ് ഇടുക്കി ജില്ലാ പോലീസ് മേധാവി സസ്പെന്‍ഡ് ചെയ്തത്. ആളുകള്‍ നോക്കി നില്‍ക്കെയാണ് തൊടുപുഴ ബസ്സ്റ്റാന്‍ഡിനു സമീപം ഡ്യൂട്ടി നോക്കുകയായിരുന്നു വനിതാ ഓഫീസറെ സിനാജ് അടിച്ചുവീട്ത്തിയത്. തൊടുപുഴ ഡിവൈഎസ്പി നല്‍കിയ റിപ്പോര്‍ട്ടിന്‌റെ അടിസ്ഥാനത്തിലാണ് നടപടി. ഞായറാഴ്ച ഗോവ ഗവര്‍ണര്‍ പി എസ് ശ്രീധരന്‍ പിള്ള തൊടുപുഴയിലെത്തിയതിന്റെ ഭാഗമായുള്ള സുരക്ഷ ഡ്യൂട്ടിക്കിടയില്‍ ആണ് സിനാജ് വനിതാ പോലീസ് ഉദ്യോഗസ്ഥയെ അടിച്ചത്. വനിതാ സിപിഒ പരാതി നല്‍കാത്തതിനാല്‍ കേസ് രജിസ്റ്റര്‍ ചെയ്തിട്ടില്ല.
