പിറവം: വിദേശ ജോലി വാഗ്ദാനം ചെയ്ത് എട്ടു ലക്ഷം രൂപ തട്ടിയെന്ന പരാതിയില് ചെങ്ങന്നൂര് സ്വദേശിനി സി. ദിവ്യാമോളെ (40) പൊലീസ് അറസ്റ്റ് ചെയ്തു.രാമമംഗലം ഊരമന മണ്ണാപ്പറമ്പില് എം.കെ. സുരേഷിന്റെ മകന് മാള്ട്ടയില് ജോലി നല്കാമെന്ന് ഉറപ്പു നല്കി 7.75 ലക്ഷം രൂപ തട്ടിച്ചെന്നാണ് പരാതി.
ചെങ്ങന്നൂരില് ട്രാവല്സ് നടത്തി വരികയായിരുന്നു ദിവ്യയും, ഭര്ത്താവ് രാജേഷുംസുരേഷിന്റെ മകന്റെ പാസ്പോര്ട്ടും സര്ട്ടിഫിക്കറ്റുകളടക്കമുള്ള രേഖകളും ഇവര് വാങ്ങി വച്ചു.
സുരേഷ് രാമമംഗലം സര്വീസ് സഹകരണ ബാങ്കില് നിന്ന് 10 ലക്ഷം രൂപ വായ്പയെടുത്താണ് ദിവ്യയ്ക്ക് പണം നല്കിയത്.
വായ്പാതുക പലിശയടക്കം 13.5 ലക്ഷം രൂപയായിട്ടും സുരേഷിന്റെ മകന് ജോലിക്ക് വിസ ലഭിച്ചില്ല. തുടര്ന്ന് പണം തിരികെ നല്കാന് ആവശ്യപ്പെട്ടെങ്കിലും അതും നടന്നില്ല. ഇതേത്തുടര്ന്നാണ് സുരേഷ് രാമമംഗലം പൊലീസില് പരാതി നല്കിയത്.
